PROVERBIOS 13:17 - Dios Rimashcata Quillcashcami

¹⁷ Mana alli huillac runaca llaquitami apamun. Ashtahuanpish cashcata huillac runaca jambic shina cushicuitami apamun.

PROVERBIOS 13:17 ပူးပေါင်းရင်းမြစ်များ

PROVERBIOS 10:26

Quilla runata mandanaca vinagreta amullishca shina, ñahuipi cushni yaicuc shinami.

PROVERBIOS 13:18

Alli causachun cunashcata mana uyasha nic runaca pingaichishcapish, huacchapishmi canga. Ashtahuanpish alli causachun cunashcata chasquicca alli nishcami canga.

PROVERBIOS 25:13

Tucuita pactachic huillacca huillachun cachacpacca, cosecha punzhapi chiri yacuta cushca shinami. Chai runaca paipac amopac causaitami samachin.

PROVERBIOS 25:23

Jahua ladota huaira shamushpaca, tamyatami apamun. Imatapish rimac runaca piñachishpami saquin.

PROVERBIOS 26:6

Yuyai illac runata huillachun cachacca chaquita paquic shina, mana cashpaca ima mana allita ubiac shinami paillatac llaqui tucun.

JEREMÍAS 23:28

Huillac runaca pai muscushcata parlachun. Ñuca rimashcata chasquicca mana llullashpa huillachun. Cupahuan trigohuanca mana chashnallatacchu.

EZEQUIEL 3:18

Ñuca, ñucata mana manchac runata: “Huañunguitacmi” nicpipish, can chai runa millai ruhuanata saquishpa, causaita charichun mana rimacpica, chai runaca paipac juchamantami huañunga. Ashtahuanpish pai huañushcamantaca cantami juchanchisha.

NÚMEROS 31:8

Madianitacunahuan macanacushpaca, chai llactata pichca jatun mandaccuna Evita, Requemta, Zurta, Hurta, Rebatami huañuchirca. Shinallatac Beorpac churi Balaamtapish espadacunahuanmi huañuchirca.

1 CORINTIOS 4:2

Maijanta yachachichun churacpica pactachic cashcatami ricuchina can.

2 CORINTIOS 2:17

Ñucanchicca mana caishuccuna shina imata japingaraiculla Diosmanta alli huillaitaca chagrushpa huillacunchicchu, ashtahuanpish mana llullashpami Diospac ñaupapi paillatac cachashcacuna cashcamanta, Cristomantaca huillacunchic.

2 CORINTIOS 5:20

Chashnaca Cristopac randi huillachun cachashca huillaccunami canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dios-huan alli tucuichic” nishpa mañacunchic.

1 TIMOTEO 1:12

Ñucata sinchiyachishcamanta, ñuca paita cazuc cashcata yachashpa paita servichun churashcamantami, ñucanchic Apunchic Jesucristotaca pagui nicunilla.

2 TIMOTEO 2:2

Tauca gentecunapac ñaupapi ñuca ima yachachishcata uyashcataca, yachachinata pudic criccunaman, paicunapish shuccunaman yachachichun mingai.