PROVERBIOS 12:24 - Dios Rimashcata Quillcashcami

²⁴ Alli trabajac runaca mandashpami causanga. Ashtahuanpish quilla runaca mandashcallami causanga.

PROVERBIOS 12:24 ပူးပေါင်းရင်းမြစ်များ

GÉNESIS 49:15

Pai siricuc pushtu sumac cacpi, chai allpapish alli cacpimi, paipac lomotaca aparingapac ricuchirca. Chaipimi servishpa causasha ninga.

1 REYES 11:28

Jeroboamca imatapish mana manchac sinchi runami carca. Chashna cacta ricushpami, Salomonca ñaupa taita Josepac huahua huahuacunata tucuipi ricushpa mandachun churarca.

1 REYES 12:20

Chai quipami Jeroboam Egiptomanta cutimushcata tucui israelcuna yachac chayashpaca, paicuna tandanacushcaman cayachishpa, tucui israelcunata jatun mandac cachun churarca. Davidpac huahua huahuapura mandacuc-huanca Judá aillullami saquirirca. Caishuc Israel aillucunaca tucuimi chicanyarcacuna.

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.

PROVERBIOS 10:4

Quilla runapac maquica huacchayachinmi. Ashtahuanpish runapac maquica chayucyachinmi.

PROVERBIOS 12:27

Quilla runaca animalta japishpapish mana cusashpa micunchu. Ashtahuanpish cusi runaca imatapish valishcatami charin.

PROVERBIOS 13:4

Quilla runaca imata munacushpapish mana japingachu. Ashtahuanpish cusi runaca paipac munashcatami japinga.

PROVERBIOS 17:2

Alli yuyaiyuc servicca mana cazuc churitapish mandangami. Imalla tiyashcataca paipac huauquicunahuanmi chaupinacunga.

PROVERBIOS 19:15

Quillanayaimi runataca yallita sueñuchin. Quilla runaca yarcaihuanmi causanga.

PROVERBIOS 22:13

Quilla runaca: «¡Leonmi canzhapi chapacun, ñanpi japishpa huañuchingami!» ninmi.

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

JUECES 1:28

Shina cashpapish israelcunaca ashtahuan mirashpa, achca tucushpami cananeocunamanta impuestota chasquishpa charirca. Paicunataca mana llucchishpa cachai pudircacunachu.