PROVERBIOS 12:21 - Dios Rimashcata Quillcashcami

²¹ Cashcata ruhuactaca ima llaquipish mana japingachu. Ashtahuanpish Diosta mana manchaccunaca yallita llaquihuanmi cangacuna.

PROVERBIOS 12:21 ပူးပေါင်းရင်းမြစ်များ

SALMOS 121:7

Mandac Diosmi tucui mana allimanta cuidanga. Cambac causaitapish paimi huacaichinga.

SALMOS 91:10

Chashna cashcamantaca ima llaquipish, ima ungüipish cambac huasimanca mana yaicungachu.

PROVERBIOS 1:31

Paicuna millaita ruhuashpa causashcataca tarpushpa cosechac shinami japingacuna. Chashnami huicsa pactata micungacuna.

PROVERBIOS 1:33

Ashtahuanpish ñucata uyashpaca, llaquicunata mana manchashpa, imatapish mana manchashpami, cushilla causanga” nishpami huillacun.

PROVERBIOS 11:21

Mana allita ruhuac runaca llaquichishcatacmi canga. Ashtahuanpish cashcata ruhuac runaca huahua huahuacamanmi quishpichishca canga.

PROVERBIOS 12:20

Millaita yuyarishpa causaccunapac shungupica, llullana yuyaillami tiyan. Ashtahuanpish cushilla causachun cunaccunaca cushicunmi.

PROVERBIOS 14:14

Mana cazuc runaca pai mana allita ruhuashcahuanmi cushilla canga. Ashtahuanpish allita ruhuac runaca pai allita ruhuashcahuanmi cushicunga.

PROVERBIOS 19:23

Mandac Diosta manchac runaca causangami. Paita manchashpaca imatapish mana manchashpa cushillami causanga. Ima llaquipish mana japingachu.

ECLESIASTÉS 7:18

Caita chariranaca allimi. Caishuctapish cambac maquimantaca, ama cacharinguichu. Diosta manchac runaca tucuipimi alli llucshinga.

ECLESIASTÉS 8:5

Mandashcata cazuc runaca mana ima tucungachu. Yuyaisapa runapac shunguca Dios ima horas, ima shina ruhuanata yachanmi.

HABACUC 2:16

Canca alli nishca canapac randica, mana alli nishca pingaichishcami cangui. Canpish ubiashpa, lluchulla tucuiyari. Mandac Diospac alli lado maquipi tiyacuc vasomantami canmanca ubiachinga. Chashna ubiachishpami, can alli nishca runataca cumurichinga.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

2 CORINTIOS 4:17

Cai causaipi ashacamanlla llaquita apacushcaca tucuringami. Shina cashpapish, llaquicunaca tucuimanta yalli huiñai causaiyuctami ruhuacun.

1 PEDRO 3:13

Cancuna allita ruhuana yuyailla cacpica, ¿pitac cancunataca mana allita ruhuangayari?

APOCALIPSIS 18:6

¡Chai pueblotaca pai llaquichishca shinallatac llaquichichic! ¡Pai shuc cutinhuan llaquichishca cacpica, ishcai cutinhuan llaquichichic! ¡Shinallatac pai imata ruhuashcamantaca, chaupihuan yallita ruhuaichic! ¡Ubianatapish pai ubiachishcamanta, ishcai cutinhuan yallita chapushpa ubiachichic!