PROVERBIOS 12:19 - Dios Rimashcata Quillcashcami

¹⁹ Cashcata huillac runaca huiñaitami causanga. Ashtahuanpish llulla calluca ashacamanllami canga.

PROVERBIOS 12:19 ပူးပေါင်းရင်းမြစ်များ

1 REYES 13:18

Shina nicpimi, caishuc runaca: —Ñucapish can shinallatac Dios ima nishcata huillacmi cani. Mandac Dios cachashca shuc ángel shamushpami ñucataca: “Tandata micuchun, yacutapish ubiachun, cambac huasiman pushamugri” nishpa cacharca— nirca. Cai rimaicunataca llullashpami nirca.

2 REYES 5:26

Shina nicpi, Eliseoca: —Carretamanta uricushpa, chai runa tupangapac shamucpica, ñuca shunguca ¿Manachu canhuan carca? ¿Cullquita, churanacunata, olivos chagracunata, uvas chagracunata, ovejacunata, huagracunata, servic caricunata, servic huarmicunata japina punzhami yuyanguichu?

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

SALMOS 52:6

Cashcata ruhuaccuna chaita ricushpaca mancharingami. Chai runata ricushpa asishpaca:

PROVERBIOS 12:20

Millaita yuyarishpa causaccunapac shungupica, llullana yuyaillami tiyan. Ashtahuanpish cushilla causachun cunaccunaca cushicunmi.

PROVERBIOS 19:9

Llullashpa huillac runaca llaqui tucungami. Llullashpa puric runaca chingaringami.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.