PROVERBIOS 12:15 - Dios Rimashcata Quillcashcami

¹⁵ Yuyai illac runaca paipac yuyaipica alli ñanta ricushcatami yuyan. Ashtahuanpish cunashcata uyashpa cazuc runaca alli yachaisapa runami.

PROVERBIOS 12:15 ပူးပေါင်းရင်းမြစ်များ

PROVERBIOS 1:5

Yachaisapa runa uyashpaca, ashtahuanmi yachacunga. Alli yuyaiyuc runapish, alli yuyaita cushcataca chasquingami.

PROVERBIOS 13:1

Yachaisapa churica taita cunashcataca chasquinmi. Ashtahuanpish burlac churica cunashcata manatac uyanchu.

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

PROVERBIOS 14:12

Runamanca alli ñan shinami ricurin. Shina cashpapish, huañuiman pushac ñanmi.

PROVERBIOS 14:16

Yachaisapa runaca mana allita ruhuanata manchashpami chaimanta caruyan. Ashtahuanpish yuyai illac runaca mana manchashpami jatun tucushpa purin.

PROVERBIOS 16:2

Runapac yuyaipica pai tucui ruhuashcacunami alli ricurin. Ashtahuanpish Mandac Diosmi chai yuyaitaca pezac shina ricucun.

PROVERBIOS 16:25

Runamanca alli ñan shinami ricurin. Shina cashpapish huañuiman pushac ñanmi.

PROVERBIOS 19:20

Cunashcatapish, alli causachun rimashcatapish chasquingui. Chaicunata uyashpami yachac tucungui.

PROVERBIOS 21:2

Runapac yuyaipica tucui pai ruhuashcacunami alli ricurin. Ashtahuanpish Mandac Diosmi shungutaca pezac shina ricucun.

PROVERBIOS 26:12

¿Paipac yuyaillapi yuyaisapami cani niric runata ricushcanguichu? Chaipac randica, yuyai illac runamantami imallatapish shuyana can.

PROVERBIOS 26:16

Quilla runaca paipac shungupica alli yuyaita cuc canchis runacunatapish, yalli ashtahuan yachacmi cani yuyanmi.

PROVERBIOS 28:11

Chayuc runaca paipac yuyaipica yachaisapa cani yuyanmi. Ashtahuanpish huaccha shinallatac, yuyaisapa runami yachac cashcataca ricun.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

PROVERBIOS 30:12

Maijan huahua huahuacunaca juchacunata manarac saquishca cashpapish paicunapac yuyaillapi jucha illaccunami canchic nincunami.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

ECLESIASTÉS 4:13

Yuyai illac, yuyac, imatapish mana entendic mandacpac randica, huaccha huambra cashpapish, yachac huambrami ashtahuan alli.

SAN LUCAS 18:11

Chai fariseo shayarishpaca: “Dioslla, ñucaca mana shuccuna shina shuhuac, millai, huainayacchu cani. Mana cai impuestota japic runa shinachu cani. Chaimantami cantaca pagui nini.

GÁLATAS 6:3

Maijan manapish ima cashpa, “allimi cani” nicca, paillatacmi llullarishpa pandaricun.