PROVERBIOS 11:29 - Dios Rimashcata Quillcashcami

²⁹ Maijanpish paipac huasi ucupurata mana cuidac runaca imatapish mana charingachu. Rumi shungu runaca yachaisapa runata servishpami causanga.

PROVERBIOS 11:29 ပူးပေါင်းရင်းမြစ်များ

GÉNESIS 34:30

Chaimantami Jacoboca Simeontapish, Levitapish rimashpaca: —Cancuna chashna ruhuashpaca, cai llactapi causac cananeocunapac, ferezeocunapac piñanatami ñucataca ruhuashcanguichic. Cunanca piñangacunami. Ñucanchicca ashalla runacunatami charinchic. Paicuna tandanacushpa, jahualla ñucatapish, ñuca familiatapish huañuchingami— nirca.

PROVERBIOS 14:19

Mana allita ruhuac runacunaca allita ruhuac runapac ñaupapimi cumuringacuna. Diosta mana manchaccunaca cashcata ruhuaccunapac pungupimi cumuringacuna.

PROVERBIOS 15:27

Charinallata munac runaca paipac huasi ucupuramanmi llaquita apamun. Ashtahuanpish cullquita pacalla cucpi mana japic runaca causangami.

ECLESIASTÉS 5:16

Caipish jatun mana allimi. Chaica cai pachaman ima shina shamushca shinallatac tigran. ¿Chashna yanga huaira aparichun trabajanaca imapactac alli?

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.

1 SAMUEL 25:17

Cunanca, ima ruhuana cacpipish, alli yuyarishpa rimailla. Ñucanchic amotapish, paipac familiatapish llaquica japigrintacmi. Cambac cusaca yallita millai cashpami pi imata nicpipish mana entendin— nirca.

1 SAMUEL 25:3

Paica Nabal shutimi carca. Paipac huarmica Abigaíl shuti alli yuyaiyuc alaja huarmimi carca. Ashtahuanpish paipac cusa Nabalca sinchi shungu, mana allita ruhuac Calebpac huahua huahuacunamantami carca.

1 SAMUEL 25:38

Chaimanta chunga punzha quipaca, Mandac Diosllatac anchayachicpimi, Nabalca huañurca.