PROVERBIOS 10:15 - Dios Rimashcata Quillcashcami

¹⁵ Chayuc runapac charishcacunaca jatun pircayuc pueblo shinami. Ashtahuanpish huaccha runataca huaccha causaimi llaquichin.

PROVERBIOS 10:15 ပူးပေါင်းရင်းမြစ်များ

SALMOS 49:6

Ima charishcahuan cushicuccunaca paicuna yallita charishcahuanmi jatun tucuncuna.

SALMOS 52:7

«¡Riquichic, chai runaca Diosta paipac jatun pirca shina jarcac cachunca mana chasquircachu! ¡Ashtahuanpish paipac charishcacunallapi shunguta churashpami, mana allicunallata ruhuashpa causarca!» ningacuna.

PROVERBIOS 14:20

Huaccha runataca paihuan apanacucpish piñanmi. Ashtahuanpish charic runataca achcacunami cuyan.

PROVERBIOS 18:11

Chayuc runapac charishcaca muyundita pircashca pueblo shinami. Paipac yuyaipica jahuacaman jatunta pircashca shinami.

PROVERBIOS 19:7

Huaccha runataca tucui paipac huauquicunami mana ricunayachin. Paihuan apanacuccunacarin paimantaca caruyancunallami. Pai maijanhuan parlasha nishpapish pita mana taringachu.

ECLESIASTÉS 7:12

Alli yachaipish, cullquipish escudo shinami jarcan. Shina cacpipish alli yachaimi yachaccunamanca causaita cun.

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

MARCOS 10:24

Yachacuccuna chaita uyashpaca yallitami mancharirca. Ashtahuanpish Jesús cutinllatac rimashpaca: —¡Huahuacunalla, charishcallapi shunguta churaccunapacca, Dios mandacucman yaicunaca sinchimi!

SAN LUCAS 12:19

Chashna huacaichishpaca ñuca shungutaca: ‘Tauca huatapacmi charisha. Cunanca cushicushpa, micushpa, ubiashpa samarishami’ nishami” nicurca.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.