PROVERBIOS 1:28 - Dios Rimashcata Quillcashcami

²⁸ Chai llaquicuna japicpimi, ñucata mañangacuna. Shina mañacpipish ñucaca mana uyashachu. Ñucata yallita mashcashpapish, mana taringacunachu.

PROVERBIOS 1:28 ပူးပေါင်းရင်းမြစ်များ

GÉNESIS 6:3

Chaita ricushpami, Mandac Diosca: «Ñuca espíritu cai runacunapi huiñaita causachunca, mana saquishachu. Paicunaca huañunalla aichami. Chaimantami patsac ishcai chunga huatallata causanga» nirca.

JOB 27:9

¿Paita jatun llaqui japicpi, Diosta mañashpa caparicpica uyangachu?

JOB 35:12

Paicuna jatun tucushpa millaita ruhuashcamantami paicuna caparishpa mañacpipish Diosca mana uyan.

SALMOS 18:41

Paicuna caparicpipish pi mana ayudarcachu. Can Mandac Diostapish mañarcacunami, canpish mana uyarcanguichu.

SALMOS 18:42

Paicunataca ñuto allpata huairapi chingachic shinami chingachircani. Ñanpi siric turuta shinami sarurcani.

SALMOS 66:18

Ñuca shungupi mana allicunata yuyarishca cacpica, Mandac Diosca mana uyanmanchu carca.

PROVERBIOS 15:29

Mandac Diosca paita mana manchaccunamanta carupimi. Ashtahuanpish cashcata ruhuaccuna mañacpica uyanmi.

PROVERBIOS 8:17

Ñucata cuyaccunataca cuyanimi. Ñucata mashcaccunaca tarinmi.

CANTARES 5:6

Ñuca cuyashcata yaicuchingapac punguta pascacpica, paica ñami rishca carca. Pai rimashcata uyashpaca, ñuca almaca catishpami llucshirca. Mashcashpapish mana tarircanichu, cayacpipish mana cutichircachu.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

JEREMÍAS 11:11

Chaimantami Mandac Dios ñucaca yallita llaquichigrini. Chai llaquimanta mana quishpiri pudishpami, ñucata caparishpa mañanga. Chashna mañacpipish, manatac uyashachu.

JEREMÍAS 14:12

Ayunashpa caparishpa mañacpipish ñucaca mana uyashachu. Ñucaman animalcunata cushpa tucui rupachicpipish, ofrendata cucpipish mana chasquishachu. Ashtahuanpish jatun macanacuihuan, yalli yarcaihuan, ungüicunahuanmi tucuchisha» nirca.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

OSEAS 5:15

Paicunallatac juchata ruhuashcata yuyarishpa, ñucapacman cutingacamanmi ñuca causacushcaman risha. Paicunaca llaquirishpami, ñucataca mashcangacuna» ninmi.

OSEAS 5:6

Ovejacunata, vacacunata apashpami, Mandac Diosta mashcanga. Shina mashcashpapish mana taringachu. Paicunamantaca anchurircanimi.

AMÓS 8:12

Ñuca rimashcata uyanata munashpami, shuc mama cuchamantaca caishuc mama cuchaman, ura ladomantaca inti tigrana ladoman puringa. Shina purishpapish mana taringachu.

MIQUEAS 3:4

Shina ruhuashpapish Mandac Diosta mañanguichicmi. Cancuna mañacpica, paica mana uyangachu. Cancuna juchacunata ruhuashpa causacushcamantami llaqui punzhacunapica, paipac ñahuitaca cancunamanta pacanga» nircani.

ZACARÍAS 7:13

Chaimantami tucuita Mandac Diosca: «Ñuca paicunata cayacpi, mana cazushca shinallatacmi paicuna mañashcataca mana uyarcani.

DEUTERONOMIO 1:45

Chaimanta cutishpami Mandac Diospac ñaupapi huacarcanguichic. Shina huacacpipish, Mandac Diosca mana uyarcachu, mana tigra ricurcachu.

SANTIAGO 4:3

Imata mañashpapish, mana allita ruhuashpa tucuchingapaclla mana alli munaihuan mañashcamantami, mana japinguichic.

1 SAMUEL 8:18

Cancunallatac acllashca jatun mandac llaquichicuc punzhacunapi caparishpa mañacpipish, Mandac Diosca mana uyangachu— nirca.