PROVERBIOS 1:24 - Dios Rimashcata Quillcashcami

²⁴ Cancunata tauca cutin cayacpipish, mana uyarcaguichicchu. Maquihuan cayacpipish, mana shamurcanguichicchu.

PROVERBIOS 1:24 ပူးပေါင်းရင်းမြစ်များ

2 CRÓNICAS 33:10

Mandac Diosca Manasestapish, pai acllashca israelcunatapish rimarcami, ashtahuanpish paicunaca mana cazurcacunachu.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

JOB 33:14

Ashtahuanpish Diosca runahuanca shuctac shuctaclayami parlan. Shina cacpipish, runamari mana entendin.

SALMOS 31:20

Gentecuna yuyarinacushpa llaquichinamantaca cambac ñaupapi churashpami huacangui. Camishpa llaquichinamantaca cambaclla canhuan tupana huasipimi huacaichingui.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

ISAÍAS 65:12

Chaimantami cancunataca espadahuan huañuchichun saquisha. Huañuchiccunapac ñaupapimi cunguringuichic. Cancunaca ñuca cayacpipish, ñuca rimacpipish, mana uyarcanguichicchu. Chaipac randica ñuca ñaupapimi mana allita ruhuarcanguichic. Ñuca millanayachishcataracmi ruhuanata munarcanguichic» ninmi.

ISAÍAS 65:2

Punzhantami mana cazushpa, quiquin munashca ruhuashpa causac gentecunataca maquita chutashpa cayarcani.

ISAÍAS 66:4

ñucapish chashnallatacmi paicunataca mana alli nishpa, paicuna manchana jatun llaquita cachasha. Paicunata ñuca cayacpica, pipish mana cutichircachu. Ñuca rimacpica, mana uyarcachu. Chaipac randica ñuca ñaupapi mana allita ruhuashpami, ñuca millashcatarac ruhuanata munarcanguichic» ninmi.

JEREMÍAS 35:17

Chaimantami israelcunapac tucuita Mandac Dios ñucaca: Judá llactapi causaccunapish, Jerusalenpi tucui causaccunapish ñuca rimashcata, ñuca cayashcataca mana uyarcacunachu. Chaimantami paicunata llaquichishami nishpa rimashca shinallatac llaquichigrini nini» ninmi.

JEREMÍAS 44:16

«Mandac Diospac shutipi can huillashcata mana cazushunchu.

JEREMÍAS 7:13

Cunanca, cancunapish mana allita ruhuashpami causacunguichic. Ñaupa huatacunamanta pacha punzhanta cancunata ñuca rimacucpipish, mana cazurcanguichicchu. Ñuca cayacpipish, mana uyarcanguichicchu.

JEREMÍAS 9:6

Tucuita Mandac Diosca: «Can Jeremiasca llullaccunapac chaupipimi causangui. Paicunaca llullac cashpami, ñucata mana ricsisha» ninmi. Chaitaca Mandac Diosmi nin.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

ZACARÍAS 7:13

Chaimantami tucuita Mandac Diosca: «Ñuca paicunata cayacpi, mana cazushca shinallatacmi paicuna mañashcataca mana uyarcani.

HECHOS 4:30

Can quishpichichun cachashca Jesus-huan ungushcacunata alliyachichun, milagrocunata ruhuachun ñucanchicta ayudaiyari. Canca imatapish ruhuacllami cangui» nishpa mañarcacuna.

ROMANOS 10:21

Israelcunamanta Isaías cutin rimashpaca: «Ñucata mana cazuc, piñac gentecunataca tucui punzhacunami rigrata pascashpa cayacurcanilla» ninmi.

1 SAMUEL 28:6

Chaimantami Saulca Mandac Diosta tapurca. Shina tapucpipish, Mandac Diosca muscuipipish, Urim nishcapi suerteta ruhuacpipish, Dios ima nishcata huillaccunamanpish, imata mana nircachu.