OSEAS 9:9 - Dios Rimashcata Quillcashcami

⁹ Gabaa llactapi causaccuna shinallatacmi yallita millaita ruhuashpa causarca. Cunanca, paicuna mana allita ruhuashcata Mandac Dios yuyarishpami llaquichinga.

OSEAS 9:9 ပူးပေါင်းရင်းမြစ်များ

ÉXODO 32:7

Chaimantami Mandac Diosca Moisestaca: —Cunanca utcashpa urai rilla. Egipto llactamanta can llucchimushca gentecunaca mana allitami ruhuacun.

ISAÍAS 24:5

Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

ISAÍAS 31:6

¡Israelcunalla, cancuna yallita mana cazushpa, llaquichishca Mandac Diospacman cutichicyari!

JEREMÍAS 14:10

Mandac Dios chai llactamanta rimashpaca: «Paicunaca mana shaicushpa juchata ruhuanallata, caiman chaiman puricunallatami munan. Chaimantami paicunataca mana chasquini. Cunanmi paicuna juchacunata ruhuashcata yuyarishpa llaquichigrini» ninmi.

EZEQUIEL 21:28

Huañunalla runa, canca: “Mandac Dios amonitacuna mana allita rimashcamanta rimashpaca: Cancunata huañuchingapacmi espadaca huacaichinamanta llucchishca tiyacun. Tucui tucuchishpa jagan nicungapacmi alli mulashca tiyacun.

OSEAS 10:9

Mandac Diosca: «Israelcunalla, Gabaapi causacui punzhacunamanta pachami juchata ruhuarcanguichic. Chaipimi causashpa caticunguichic. Gabaapi mana allita ruhuaccunataca, ¿manachu macanacuica japinga?

OSEAS 4:9

Gentecunapish, curacunapish chashnallatacmi can. Paicuna ima shina ruhuashpa causashca shinallatacmi llaquichisha.

OSEAS 5:8

¡Gabaapica cornetapi tocaichicyari! ¡Ramapica trompetapi tocaichicyari! Bet-avenpi caparishpa: “¡Efraín aillulla chucchuichicyari!” nishpa caparichicyari.

OSEAS 7:2

Tucui paicuna mana allita ruhuashcata ñuca yuyaipi charicushcataca mana shungupi yuyarinchu. Tucui paicuna mana allita ruhuashcataca ricucunimi. Chai mana allita ruhuashcacunami paicunata chaupinchishpa charicun.

OSEAS 8:13

Ñucaman animalta cushpa huañuchishca aichatapish micurcami. Chaicunataca Mandac Dios ñucaca mana munanichu. Cunanca mana allita ruhuashcata yuyarishpami paicunapac juchamanta llaquichigrini. Paicunaca Egiptomanmi cutinga.

OSEAS 9:8

Diosca Efraín ailluta chapachunmi, pai ima nishcata huillacta churashca. Shina cacpipish, cancunaca paita urmachingapacmi tucllata churanguichic. Diospac huasipica mana ricusha ninguichicchu.

SOFONÍAS 3:7

Ñucaca: “Jerusalenpi causaccunaca manchangapishchari. Cunashpa rimashcataca cazungapishchari. Shina cazucpica, paicuna causana huasicunatapish mana chingachimanchu” nishpami yuyarcanimi. Ashtahuanpish paicunaca millaita ruhuanatami munarca.

JUECES 19:12

Shina nicpimi, paipac amoca: —Israelcuna mana causana shucpac llactacunamanca mana rishachu. Chaipac randica Gabaa puebloman chayangacaman rishun— nirca. Shinallatac paita servictaca:

JUECES 19:16

Shina cacpimi, ña chishiyanata shuc yuyac runa chagrapi trabajashpa shamucurca. Chai runaca Efraín urcu llactacunamantami carca. Gabaa llactapica Benjaminpac aillucunami causacurca. Chaimantami chai runaca Gabaa pueblopica pozashpalla causacurca.

JUECES 19:22

Chashna cushilla cacpimi chai pueblopi causac millai runacuna chai huasita muyunacushpa pungupi huactashpa chai yuyac runataca: —¡Cambac huasipi pozashpa tiyaccunahuan chayarinacungapac canzhaman llucchi!— nirca.

JUECES 20:43

Shinami Benjamín aillucunataca muyunacushpa Menúha pueblomantaca Gabaa chimba inti llucshina ladocaman catishpa huañuchirca.