OSEAS 7:16 - Dios Rimashcata Quillcashcami

¹⁶ Paicuna cutirishpapish mana jahua pachapi causac Diospacman cutirircachu. Ashtahuanpish espadata mana alli shitac shinami llullarca. Jatun tucushpa, mana allita rimashcamantami mandaccunapish espadapi huañurca. Chashna millai cashcamantami, Egipto llactapi causaccunaca burlashpa asingacuna» ninmi.

OSEAS 7:16 ပူးပေါင်းရင်းမြစ်များ

SALMOS 12:3

Mandac Diosca chai llullac mishqui shimicunata, jatun tucushpa rimaccunataca tucuitami tucuchinga.

SALMOS 12:4

Chaicunaca: «Ñucanchictaca pi mana upallachingachu. Ñucanchic rimaihuanca mishashunllami. ¿Pitac ñucanchictaca mandanga?» nincunami.

SALMOS 12:5

Mandac Diosca: «Huacchacunataca yallitami llaquichincuna. Imata mana chariccunapish quishpichichunmi caparishpa mañancuna. Chaimantami cunanca quishpichigrini» ninmi.

SALMOS 17:10

Chaicunaca huira tapashca shungucunami. Jatun tucushpami imatapish rimancuna.

SALMOS 52:2

Cambac calluca punzhantami llaquichin. Llullangapacca navaja mulashca shinami.

SALMOS 57:4

Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.

SALMOS 73:9

Jahua pachapi tiyactami camincuna. Paicunapac calluhuanca tucui cai pachapi causaccunatami imatapish rimancuna.

SALMOS 78:37

Paicunapac shunguca Dios-huanca mana allichu carca. Paicuna ari nishcatapish mana pactachircachu.

SALMOS 78:57

Paicunapac ñaupa taitacuna shinallatacmi mana cazurcacuna. Mana allita shitac arco shinami mana cazurcacuna.

ISAÍAS 3:8

Jerusalenca tucuimi tucurishca. Judá llactapish urmashcami. Paicunaca mana allita rimashpa, mana allita ruhuashpami poderyuc Mandac Diosta piñachirca.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

JEREMÍAS 3:10

Tucui chaicunata ruhuashca jahuapish Israelpac ñaña mana cazuc Judaca mana ñucapacman cutircachu. Ashtahuanpish jahua shungullami cutic tucurca. Chaitaca Mandac Dios ñucami nini» nirca.

JEREMÍAS 42:18

Israelcunapac tucuita Mandac Diosca: Ima shinami ñuca nina japiric shina piñarishpa Jerusalenpi causaccunata yallita llaquichircani, chashnallatacmi Egipto llactaman riccunatapish llaquichisha. Chaipimi cancunaca mana alli nishcapish, pingaichishcapish, tucuipac mancharinapish causanguichic. Cai llactataca mana cutin ricunguichicchu ninmi.

EZEQUIEL 23:32

Chaimantami Mandac Diosca: Cambac ñañaman cushca ubiana shina llaquillahuantacmi llaquichisha. Chai ubiana vasoca ancho, shinallatac jatunmi can. Shuctac llactapi causaccunaca burlashpami cantaca asinga.

EZEQUIEL 36:20

Ashtahuanpish paicuna shuctac llactacunaman chayacpi, chai llacta gentecunaca: “¡Paicunaca Mandac Diospac acllashca gentecuna cashpapish, paipac llactamantami llucshimushca!” nishpa, burlashpami ñucapac jucha illac shutita yangapi churarca.

DANIEL 7:25

Paica jahua pacha Diosta millaita rimashpami, jahua pachapi causac Diospaclla caccunata yallita llaquichinga. Paica fiestacunatapish, mandashcacunatapish shuctacyachisha ningami. Paipac maquipimi Diospaclla caccunataca quimsa huata chaupicaman churanga.

OSEAS 11:5

Paicuna ñucapacman mana cutinata munashcamantami Egipto llactamanca mana cutinga. Ashtahuanpish Asiria llactapi causaccunami paicunata jatun mandac tucunga.

OSEAS 11:7

Ñuca acllashcacunaca jatun tucushpami, ñucata mana cazun. Jahua pachapi causac Dios ninacushpapish ñucataca pi mana jatunyachinata munanchu.

OSEAS 6:4

Mandac Diosca: «Efraín aillulla, Judá llactapi causaccunalla, ¿cancunataca imatatac ruhuashayari? Cancunapac cuyaica tutamanta llucshimuc puyu shina, tutamanta páramo shamushpa, utca chingaric shinami.

OSEAS 7:13

¡Ñucamanta anchuriccunalla, imachari tucunga! ¡Ñucata mana cazushcamantaca yalli llaquimi japinga! Ñucaca paicunata quishpichimanmi, ashtahuanpish paicunaca ñucata llaquichishpami llullan.

OSEAS 9:3

Efraín ailluca Mandac Dios cushca llactapica mana saquiringachu. Ashtahuanpish Egiptoman, Asiria llactamanmi cutinga. Chaipimi millana micunata micunga.

OSEAS 9:4

Tallina vinotapish Mandac Diosman mana cungachu. Imata cushcatapish mana chasquingachu. Tandapish duelo huasipi micuna tanda shinami canga. Chaita tucui micuccunami mapayanga. Chai tandaca Mandac Diospac huasiman mana yaicungachu. Ashtahuanpish chai tandaca paicuna micungapacllami canga.

OSEAS 9:6

Paicunaca llaquichigricucpimi rirca. Egiptopi causaccunami paicunataca chasquinga. Menfis llactapi causaccunami enterranga. Paicunapac cullqui huacaichinapica chinimi jundanga. Huasicunapica cashacunami huiñanga.

MALAQUÍAS 3:13

Cancunaca yallita mana alli nishpami, ñucataca rimarcanguichic. Shina rimashpapish: “¿Ima mana allitatac cantaca rimarcanchic?” ninguichicmi.

MALAQUÍAS 3:14

Shinallatac: “Yangami Diostaca servishpa causanchic. Pai mandashcacunata pactachishpa, pai tucuita Mandac Diospac ñaupapi llaquilla purishpaca, ¿ima allitatac japinchic?

SAN MATEO 12:36

Ñucaca: Dios taripana punzhapimi shuccunata mana alli rimashcacunaca yacharinga ninimi.

SAN LUCAS 8:13

Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

SANTIAGO 3:5

Chai shinallatacmi calluca ñucanchic cuerpopi uchilla cashpapish, imatapish rimashpaca, yallita llaquichinlla. Shinallatac ninapish pitillamanta mirarishpaca, mashna jatun sachacunatapish tucui rupachinllami.

2 PEDRO 2:8

Cashcata ruhuac Lotca millai gentecunapac chaupipi causashpami, punzhanta chai mana allicunata ricushpa, uyashpa, paipac alli shungupica llaquiric carca.

APOCALIPSIS 13:5

Chai manchana animalmanca Diosta piñashpa rimanata, shinallatac chuscu chunga ishcai quillata mandanatapish, curcami.