OSEAS 7:14 - Dios Rimashcata Quillcashcami

¹⁴ Paicunaca camapi caparicushpapish, mana ñucatachu tucui shunguhuan mañarca. Trigota, llullu vinota tandachingapac chugririshpapish, ñucatami piñachirca.

OSEAS 7:14 ပူးပေါင်းရင်းမြစ်များ

ÉXODO 32:6

Cayandi tutamantaca utca jatarishpami, chai beciman animalta cushpa, tucui rupachirca. Shinallatac paihuan alli tucungapacpish ofrendata curcami. Chai quipaca israelcunaca micungapac, ubiangapacmi tiyarirca. Ña micushca quipaca cushicungapacmi jatarirca.

ISAÍAS 29:13

Chaimantami Mandac Diosca: «Cai gentecunaca shimillahuanmi ñucataca mañan. Jahua shimillahuanmi alli nincuna. Ashtahuanpish paicunapac shunguca ñucamanta carupimi. Shinallatac runacuna yachachishcata catishcallamantami ñucataca manchan.

ISAÍAS 52:5

Mandac Diosca: «Caipica, ¿imatatac ricucuni? Ñuca acllashcacunataca yangami prezu apashca. Prezu apaccunaca yallita llaquichishpami charin. Ñuca shutitapish punzhantami mana alli nishpa rimancuna.

ISAÍAS 65:14

Ñucata serviccunaca tucui shunguhuanmi yallita cushicushpa cantanga. Ashtahuanpish cancunaca shungu nanaihuanmi caparinguichic. Cancunapac shungu paquirishpami, yallita llaquiringuichic.

JEREMÍAS 12:2

Can tarpucpica, sapiyashpa huiñashpami, granota pucurca. Paicunaca shimillahuanmi cantaca alli nincuna. Ashtahuanpish shunguca canmanta carupimi.

JEREMÍAS 3:10

Tucui chaicunata ruhuashca jahuapish Israelpac ñaña mana cazuc Judaca mana ñucapacman cutircachu. Ashtahuanpish jahua shungullami cutic tucurca. Chaitaca Mandac Dios ñucami nini» nirca.

LAMENTACIONES 2:18

Sionpi causaccunalla, shungupi Mandac Diosta caparishpa mañaichicyari. Cancunapac ñahuicunamanta yacu callpacuc shina, huiquita jichashpa, tutapish, punzhapish mana samarishpa huacaichicyari.

OSEAS 13:16

Samaria llactapi causaccuna paicunapac Mandac Diosta mana cazushcamantami tucuchishca canga. Paicunataca espadahuanmi huañuchinga. Huahuacunataca ñutuchishpami shitanga. Huicsayuc huarmicunataca huicsatami tucyachinga» ninmi.

OSEAS 13:6

Ñucami cancunaman mana nicta cararcani. Chashna micushpami shungupi jatun tucushpa ñucataca cungarircanguichic.

OSEAS 13:9

Israelcunalla, cancunataca chingachigrinimi. ¿Pitac cancunata ayudangayari?

OSEAS 3:1

Mandac Diosca cutin rimashpaca: «Shuc cuyashcata charic huainayac huarmita cuyagri. Paitaca ñuca israelcunata ima shinami cuyani, chashnatac cuyai. Israelcuna shuctac dioscunata mañacucpipish, chaquishca uvas tortata chai dioscunaman cucpipish cuyanimi» nirca.

OSEAS 8:2

Israelcunaca: “¡Ñucanchic Dioslla, cantaca ricsinchicmi!” nishpami mañan.

AMÓS 2:8

Prendashca churanacunapimi maijan altar ladopipish sueñun. Prendamanta cushca vinotami paicunapac dioscunapac huasipi ubiancuna.

AMÓS 8:3

Chai llaqui punzhapica ñuca huasipi cantaccunapish huacangami. Achca huañushcacunami siricunga. Chai huañushcacunataca tucui ladocunapimi shitanga. Chaitaca Mandac Dios ñucami nini— nirca.

MIQUEAS 2:11

Maijan llullac espirituhuan cashpaca: “Ñucaca vinopish, sidrapish tiyangami” nishpa huillacca cai llactapi causaccunapac huillacmi canga.

ZACARÍAS 7:5

«Cai llactapi tucui causaccunatapish, curacunatapish rimashpaca: “Cancuna cai canchis chunga huatacunata, pichca quillapi, canchis quillapi llaquilla tucushpa, ayunashpaca, ¿ñucata yuyarishpachu ayunarcanguichic?

ROMANOS 16:18

Chai shina yachachic runacunaca paicunapac munaillata ruhuashpami, Apunchic Jesustaca mana servincuna. Paicunaca mishquilla, uyanalla rimaicunata rimashpami, manarac alli yachac gentecunata pandachincuna.

FILIPENSES 3:19

Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.

SANTIAGO 4:3

Imata mañashpapish, mana allita ruhuashpa tucuchingapaclla mana alli munaihuan mañashcamantami, mana japinguichic.

SANTIAGO 5:1

Chayuccuna, caita uyaichic: ¡Cancunataca jatun llaquicunami japinga! ¡Chaimanta caparishpa huacaichic!

JUECES 9:27

Paicunaca chai pueblopi causaccunahuanmi uvas chagraman rishpa uvasta pallashpa sarushpa capirca. Chai quipaca jatun fiestata ruhuashpami ruhuashcalla dioscunata yuyarina huasiman yaicushpa, ubiashpa, micushpa Abimelectaca imapish tucushca canman nircacuna.