OSEAS 7:13 - Dios Rimashcata Quillcashcami

¹³ ¡Ñucamanta anchuriccunalla, imachari tucunga! ¡Ñucata mana cazushcamantaca yalli llaquimi japinga! Ñucaca paicunata quishpichimanmi, ashtahuanpish paicunaca ñucata llaquichishpami llullan.

OSEAS 7:13 ပူးပေါင်းရင်းမြစ်များ

NEHEMÍAS 1:10

Paicunaca cambac jatun poderta charic cambac maquihuan llucchimushca canta servic acllashcacunami.

JOB 22:17

Paicunaca Diostaca: “Ñucanchicmanta anchuri” nicmi carca. Tucuita ruhuac Diosca ñucanchicmantaca, ¿Imatatac ruhuai pudinga? nircami.

SALMOS 106:10

Paita piñaccunapac maquimantami quishpichirca. Huañuchiccunapac maquimantami quishpichirca.

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

ISAÍAS 30:2

Ñucaman mana tapushpami, Faraonpac ayudacpi, sinchiyangapac, chaipi causaccunapi llanduric shina, miticungapac Egiptoman urai rincuna.

ISAÍAS 31:1

¡Aij, Egiptopi causaccunata ayudai ningapac urai riccunalla! ¡Aij, caballocunapi ric soldadocunapi, achca carretacunapi, sinchi caballocunapi shunguta churashpa “paicunaca ayudangallami” nishpa yuyaccunalla! Shina yuyacushpapish, israelcunapac jucha illac Diostaca mana yuyarincunachu. Mandac Diospac ayudata mana mañancunachu.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

ISAÍAS 63:8

Paica: «Paicunaca ñuca acllashca, mana llullac ñuca huahuacunami» nishpami, paicunataca quishpichirca.

JEREMÍAS 14:10

Mandac Dios chai llactamanta rimashpaca: «Paicunaca mana shaicushpa juchata ruhuanallata, caiman chaiman puricunallatami munan. Chaimantami paicunataca mana chasquini. Cunanmi paicuna juchacunata ruhuashcata yuyarishpa llaquichigrini» ninmi.

JEREMÍAS 42:20

Cancunallatac: “Mandac Diosta ñucanchicmanta mañagri. Mandac Dios tucui nishcataca ñucanchicman huillangui. Tucui pai nishcata ruhuashunllami” nishpaca, pandarishpa llaqui tucushcanguichic.

JEREMÍAS 51:9

Babilonia llactata jambisha nircanchicmi. Shina cacpipish, mana alliyarcachu. Paicunapac juchata taripashpa llaquichinaca jahua puyucaman, jahua pachaman jundashcami. Chaimanta paicunata saquishpa, ñucanchic llactacunaman jacuchiclla.

JEREMÍAS 7:15

Ima shinami cancunapac huauquicunatapish, Efrainpac huahua huahuacunatapish ñuca ñaupamanta llucchishpa cacharcani, chashnallatacmi cancunatapish llucchishpa cachasha” ningui» ninmi.

LAMENTACIONES 5:16

Ñucanchic umamantaca coronapish urmarcami. ¡Aij, ñucanchiclla, juchallishcamantami cashna llaquipi canchic!

EZEQUIEL 16:23

Mandac Dios ñuca: Can tucui millaita ruhuashca quipaca, ¡aij, imachari tucungui! ninimi.

EZEQUIEL 18:2

«Israel llactapi yuyaita cuc rimaicunata rimashpaca: “Taitacuna jayac uvasta micushcamantami churicunaca quiruta nanachin” nincunami. Chaica, ¿imatatac yuyachin?

EZEQUIEL 18:25

Ashtahuanpish cancunaca: “Mandac Diosca mana cashcata ruhuacchu” ninguichicmi. Israelcunalla, ñuca ruhuashcacunaca, ¿manachu cashcata ruhuashca? Ashtahuanpish cancunami mana allita ruhuanguichic.

EZEQUIEL 34:6

Ñuca ovejacunaca chingarishpami urcucunata, lomacunata purirca. Tucui cai pachatami caita chaita rircacuna. Chashna cacpipish, pi mana mashcarcachu, pi mana tapurcachu.

OSEAS 11:12

Efraín ailluca yallita llullashpami muyundita jarcashcata shina ruhuashca. Israelcunaca llullashpami tauca cutin umashca. Judá llactapi causaccunaca Mandac Dios-huan cariyashpami, paimanta caruyashca.

OSEAS 11:2

Shina llaquishpa cayacucpipish, ñucamantaca ashtahuanmi caruyarca. Baal dioscunamanmi animalta cushpa huañuchirca. Yanga dioscunamanmi inciensota rupachirca.

OSEAS 5:7

Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.

OSEAS 7:1

Israelcunata ñuca jambicpica, Efraín aillupac mana allita ruhuashcapish, Samaria llactapi causaccuna millaita ruhuashcapish ricurinmi. Paicunaca llullaccunami, huasiman yaicushpapish, ñanta pasaccunatapish macashpa shuhuashpami causan.

OSEAS 7:3

Paicunaca millaita ruhuashpami jatun mandacta cushichin. Cutin llullashpaca caishuc mandaccunatami cushichin.

OSEAS 9:12

Huahuacuna huiñacpipish, paicunapuramanta anchuchishami. Paicuna ñucamanta anchurishpaca, ¡imachari tucunga!

OSEAS 9:17

Ñuca Mandac Diosca paita mana cazushcamantami mana ricunayachirca. Chaimantami paicunaca shuctac llactacunapica chingarishpa puricunga.

JONÁS 1:10

Chai runacunaca Mandac Diospac ñaupamanta miticushpa ricushcata yachashpami, yallita mancharishpa: —¿Ima nishpatac chashna ruhuarcangui?— nirca.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.

MIQUEAS 6:12

Chashnami chai llactapi causaccunaca yallita llaquichishca. Paicunaca llullaccunami. Calluca llullashpa umangapacllami.

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

DEUTERONOMIO 15:15

Egiptopi huatashca shina causacucpi, Mandac Dios llucchimushcata yuyaringuichic. Chaimantami ñucaca caita mandani.

1 JUAN 1:10

Ima juchata mana charinchicchu nishpaca, Diostamari llullac cashcata ruhuanchic, shinallatac pai rimashca shimipish ñucanchic shungupi mana causanchu.

APOCALIPSIS 8:13

Chai quipaca shuc cóndor jahuata volashpa puricuctami ricurcani. Shina puricushpa sinchita rimashpaca: «¡Cai pachapi causaccunalla! ¡Caishuc quimsa angelcuna tocacpica, aij, imachari tucunga!» nircami.