OSEAS 6:7 - Dios Rimashcata Quillcashcami

⁷ Ashtahuanpish paicunaca Adán shinallatacmi ari nishcata mana pactachirca. Chashnami ñucata mana cazurca.

OSEAS 6:7 ပူးပေါင်းရင်းမြစ်များ

GÉNESIS 3:11

Shina nicpimi, Mandac Diosca: —¿Pitac canmanca lluchulla cashcataca huillarcayari? ¿Ñuca ama micunguichu nishca yuramantachu micurcangui?— nirca.

GÉNESIS 3:6

Shina nicpimi, huarmica chai yurapi cac murutaca micungapac alli cacta, sumaimana ricunalla cacta, shinallatac yachac cangapacpish alli cacta ricurca. Chaimantami chai yuramanta japirca, micurca, cusamanpish cucpi, paipish micurca.

2 REYES 17:15

Chaimantami pactachichun cushca shimicunatapish, paicunapac ñaupa taitacunahuan ari nishcatapish, ima shina causanata yachachishcatapish, cazuchun pai mandashcatapish mana cazushpa, imapish yanga dioscunata catishpa, yanga tucurcacuna. Paicunapac llacta cuchupi causaccuna ruhuashcatami catircacuna. Mandac Diosca chai gentecunataca ama catinguichicchu nishpami mandarca.

JOB 31:33

Ima millaita mana pacalla ruhuarcanichu. Mana allita ruhuashcataca ñuca shungupi mana pacarcanichu.

ISAÍAS 24:16

Cai pachapi causaccunaca: «¡Cashcata ruhuactaca sumaimanami cangui nichicyari!» nishpa cantashcatami uyarcanchic. Chaita uyashpami ñucaca: «¡Aij, ñucaca llaquipimi cani!» nircani. Mana cazushpami ñucataca llaquichin. Urmachic runacunami ñucataca urmachin.

ISAÍAS 24:5

Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

JEREMÍAS 3:7

Ñucaca: “Chai tucuita ruhuashca quipaca, ñucapacman cutimungami” yuyarcanimi. Ashtahuanpish mana cutimurcachu. Chaitami mana cazuc paipac ñaña Judapish ricurca.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

JEREMÍAS 34:18

Becita huañuchishpa, ishcaipi chaupishpami, chai chaupita pasarcanguichic. Chaimantami ñucahuan ari nishcata saquishpa, mana pactachishcamanta llaquichigrini.

JEREMÍAS 5:11

Israel aillucunapish, Judá aillucunapish, ñucataca mana cazurcacunachu. Chaitaca Mandac Dios ñucami nini» ninmi.

JEREMÍAS 9:6

Tucuita Mandac Diosca: «Can Jeremiasca llullaccunapac chaupipimi causangui. Paicunaca llullac cashpami, ñucata mana ricsisha» ninmi. Chaitaca Mandac Diosmi nin.

OSEAS 5:7

Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.

OSEAS 8:1

Mandac Diosca: «¡Ñuca huasitaca angacuna shinami, llaquichingapac shamun! ¡Chaimanta trompetapi tocashpa macanacuita huillaiyari! Ñucahuan ari nishcata paquishpami ñuca mandashcata mana cazurca.

ROMANOS 5:14

Shina cacpipish, Adanpac causai punzhamanta Moisespac causai punzhacamanmi huañuica ña tiyarca. Adán shina Dios mandashcacunataca mana cazushpapish huañurcami. Adanca chai shamuna cashca runata ricuchicmi carca.

DEUTERONOMIO 31:20

Lechepish, mishquipish yacu shina tiyac allpata ñaupa taitacunaman cungapac ari nishca llactaman chayashpa, mana nicta micushpa huirayashpaca, shuctac dioscunapacman rishpami adoranga. Chashna causashpami ñuca mandashcacunata mana valichishpa, ñuca ari nishcatapish yangapi churanga.

HEBREOS 8:9

Caica mana paicunapac ñaupa taitacunahuan ari nishca shinachu canga. Paicunataca maquimanta japishpami, Egipto llactamanta llucchircani. Shina cashpapish, chai ari nishcata mana pactachishcamantaca saquircanimi.