OSEAS 5:14 - Dios Rimashcata Quillcashcami

¹⁴ Ñucaca Efraín aillutaca león shinami llaquichisha. Judá llactapi causaccunataca huahua león shinami apasha. Ñucallatacmi paicunataca apa risha. Ñuca maquimanta cacharichicca pi mana tiyangachu.

OSEAS 5:14 ပူးပေါင်းရင်းမြစ်များ

JOB 10:16

Ñuca umata alzacpica, leonta shinami japingui. Chashna japishpaca ñucapimi, jatun mancharinacunata ruhuangui.

JOB 10:7

Canca, ñuca mana juchayuc cashcatapish, cambac maquimanta pi mana quishpichi pudishcatapish canllatacmi yachangui.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

SALMOS 7:2

Paicuna ñucata japishpaca león shinami pitinacunga. Chashna ruhuacpica pipish mana misangachu.

ISAÍAS 5:29

Paicuna caparishcapish león huacashca shinami uyaringa. Huahua león huacac shina caparishpa, quirucuna canirishpami imatapish japishpa apamunga. Chashna apamucpipish, pi mana quichui pudingachu.

JEREMÍAS 25:38

Mandac Dios yallita piñarishpa llaquichicpi, paicunapac llactata llaquinayaita tucuchicpimi, huahua león paipac jutcuta shitashpa ric shina, llactata shitashpa rirca.

LAMENTACIONES 3:10

Mandac Diosca oso chapacuc shina, león pacallapi chapacuc shinami carca.

OSEAS 13:6

Ñucami cancunaman mana nicta cararcani. Chashna micushpami shungupi jatun tucushpa ñucataca cungarircanguichic.

OSEAS 2:12

Paipac uvas chagratapish, higo yuracunatapish tucuchishami. Chaicunatami paica: «Ñuca cuyashcacuna ñucaman pagashcami» nirca. Chai yuracunataca yanga yuracunata ruhuasha. Chaicunataca sacha animalcunami micunga.

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

AMÓS 2:14

Shina ruhuacpica, yalli callpac runapish mana callpai pudingachu. Yalli sinchi runapish fuerza illacmi saquiringa. Yalli piña runapish mana quishpiringachu.

MIQUEAS 5:8

Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.

DEUTERONOMIO 28:31

Cancunapac huagrata huañuchishpapish ama micunguichicchu. Cancunapac ñaupamanta burrota quichu rishpapish mana cutichingachu. Cancunapac ovejatapish cancunata piñaccunaman cushcami canga. Chaicunataca pi mana llucchingachu.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.