OSEAS 5:12 - Dios Rimashcata Quillcashcami

¹² Ñucaca Efraín aillupacca polilla curu shinami casha. Judá llactapi causaccunapacca ismuchishpa tucuchic curu shinami casha.

OSEAS 5:12 ပူးပေါင်းရင်းမြစ်များ

JOB 13:28

Chashnami ñuca cuerpoca ismushca shina tucuricun. Churanata polilla tucuchicuc shinami tucuricun.

SALMOS 39:11

Runataca llaquichishpami juchamantaca jarcangui. Pai sumac cashcataca polilla shinami tucuchingui. Tucui runacunapac causaica samai chingaric shinami tucurinlla.

PROVERBIOS 12:4

Yuyaisapa huarmica paipac cusapac corona shinami. Ashtahuanpish yuyai illac huarmica cusapac tulluta ismuchic shinami.

ISAÍAS 5:24

Chaimantami paicunataca nina japirishpa, ucsha, rastrojo shina rupashpa tucuringa. Chashnami sapi ismushca yura shina canga. Sumac sisacuna shina cashpapish, ñuto allpata huaira apashca shinami canga. Chaica paicunallatac tucuita Mandac Dios mandashcata piñashpa, israelcunapac jucha illac Diospac shimita millanayachishcamantami chashnaca tucunga.

ISAÍAS 50:9

Riquichic, ñucataca Mandac Diosmi ayudanga. ¿Pitac ñucata juchanchi pudinga? Tucui paicunami churana shina, maucayashpa tucuringa. Polilla curumi micushpa tucuchinga.

ISAÍAS 51:8

Polilla churanata micuc shinami paicunata tucuchinga. Curu millmata micuc shinami, chingachinga. Ashtahuanpish ñuca cashcata ruhuanapish, quishpirinapish huiñai huiñaitami canga» ninmi.

JONÁS 4:7

Cayandi tutamantaca Mandac Diosca chai higuera yurata micuchunmi, shuc curuta churarca. Chai curumi yurataca chaquichirca.