OSEAS 2:3 - Dios Rimashcata Quillcashcami

³ Pacta sajuarishca punzhapi ima shina lluchulla cashca shinallatac saquiman. Pacta shitashca pambata shina ruhuashpa yacunayaihuan huañuchiman.

OSEAS 2:3 ပူးပေါင်းရင်းမြစ်များ

ÉXODO 17:3

Israelcunaca yacunayaihuan cashpa, Moisesta rimashpaca: —Ñucanchicpish, huahuacunapish, animalcunapish yacunayaihuan huañuchunca, ¿imapactac Egiptomanta llucchimurcangui?— nirca.

ISAÍAS 33:9

Allpapish yallita llaquillami. Líbano urcu yuracunapish pingaihuanmi. Sarón pambapish shitashca pambami tucushca. Basán urcupish, Carmelo urcupish chaquishcami saquirishca.

ISAÍAS 47:3

Churanacunata anchuchishpa lluchulla pingaihuan shayacuiyari. Can llaquichishca shinallatacmi cantapish llaquichisha. Cantaca pipish mana quishpichingachu» ninmi.

ISAÍAS 64:10

Cambaclla acllashca llactaca shitashcami siricun. Sión urcupish, Jerusalén llactapish shitashca pambami siricun.

JEREMÍAS 12:10

Achca michiccunami ñuca uvas chagrata tucuchishpa, ñuca allpatapish sarunacurca. Ñucapac sumac allpacunataca tucuchishpami, shitashca pambata shina saquirca.

JEREMÍAS 13:22

Cambac shungupica: “¿Imamantatac cai llaquicunaca japinyari?” ninguipishchari. Chaica, can yallita juchallishcamantami japirishpa, churanata llatanashpa, lluchu changata saquic shina ruhuarca.

JEREMÍAS 13:26

Ñucallatacmi cambac churanataca ñahuicaman llatanachishpa ricuchishpa pingaichisha.

JEREMÍAS 14:3

Mandaccunami serviccunata yacuman cachan. Paicuna yacu junduman rishpa, mana yacuta tarishpaca, chushac puñucunahuanmi yallita pingaihuan umata taparishpa cutincuna.

JEREMÍAS 17:6

Shitashca pambapi huiñashca retama yura shinami canga. Ima alli shamuctapish mana ricushpa, gentecuna mana causana, shitashca rumi allpapi, cachi allpapimi causanga.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?

JEREMÍAS 2:6

Paicunaca: “¿Maipitac Egiptomanta ñucanchicta llucchimuc Mandac Diosca? Paica shitashca pambapipish, huañui japina amsapipish, chaquishca pambacunata, pipish mana purishca, pipish mana causashca llactatami ñucanchictaca pushamurca” nishpaca mana nircacunachu.

JEREMÍAS 22:6

Mandac Diosca Judá llactata jatun mandacpac aillutaca: «Canca Galaad urcu shina, Líbano urcu pamba shinami cangui. Shina cacpipish, pipish mana causana shitashca pambatami saquisha.

JEREMÍAS 4:26

Alli pucuc allpacunata ricucpica, shitashcami saquirishca carca. Mandac Diosca yallita piñarishpami, tucui llactacunatapish, paipac ñaupapi tucuchishca carca» nircani.

JEREMÍAS 51:43

Tucui chai llactacunaca chaquishca, shitashca pambami saquirishca. Chaipica pipish mana causangachu. Pipish chaita mana pasangachu.

JEREMÍAS 51:5

Israelcunata Mandac Diosca chai llactapi yallita juchata ruhuashpa paita piñachicucpipish israelcunatapish, Judá llacta runacunatapish mana saquishcachu.

EZEQUIEL 16:22

Chashna millaita ruhuacushpa, huainayacushpaca huambrarac cashpa, churana illac cashcatapish, yahuarpi mapayashca siricushcatapish mana yuyarircanguichu.

EZEQUIEL 19:13

Cunanca yacu mana tiyac shitashca, chaquishca allpapimi tarpushca.

OSEAS 13:15

Efraín aillupurapi yuracuna shina mirarimucucpipish, Mandac Dios ñuca shitashca pambamanta shamuc rupac huaira cachashpami tucuchisha. Shinallatac tucyacuc yacupish, jundu yacupish chaquingami. Paicunapac sumac charishcacunatapish quichungami.

OSEAS 2:10

Cunanca, pai mana pingac cashcatami paipac cuyashcacunapac ñaupapimi ricuchisha. Ñuca maquimantaca pipish paitaca mana cacharichi pudingachu.

APOCALIPSIS 17:16

Can ricushca chai chunga gachucunapish, manchana animalpish cullquimanta huainayac huarmita piñashpami, tucuita quichushpa lluchullata saquinga. Paipac aichataca micungacunami, shinallatac rupachingacunami.

JUECES 15:18

Sansonca yallita yacunayaihuan cashpami Mandac Diostaca: —¿Canta servicpac maquihuan jatunta quishpichishca jahuachu cunanca yacunayaihuan mana circuncisionta ruhuashcacunapac maquipi huañuchun saquingui?— nirca.