OSEAS 2:15 - Dios Rimashcata Quillcashcami

¹⁵ Chaipimi paipac uvas chagrataca cutichisha. Chaipimi Acor pugru pambataca cushicushpa, shuyana pambata ruhuasha. Chashna ruhuacpimi, huambrarac cashca punzhacunapi shina, Egipto llactamanta llucshimui punzhapi shina cantanga.

OSEAS 2:15 ပူးပေါင်းရင်းမြစ်များ

1 REYES 16:31

Paica Nabatpac churi Jeroboam shinallatac juchacunata ruhuashpapish, ima juchata mana ruhuanichu nishpami yuyarca. Paica Sidón llactata jatun mandac Etbaalpac ushi Jezabelhuanmi cazararca. Ña cazarashpaca Baal diosta alli nishpa, servishpa causangapacmi rirca.

SALMOS 106:12

Shina ruhuacpimi, pai rimashcacunata crishpa, alli nishpa cantarcacuna.

SALMOS 129:1

Huambramanta pachami ñucataca yallita llaquichincuna Cunanca israelcuna:

ISAÍAS 65:10

Sarón pambaca ñuca acllashcacuna ovejata michina pamba, Acor pambaca paicunapac huagracuna shayanami tucunga.

ISAÍAS 65:21

Huasita shayachishpaca, chaipimi causanga. Uvas chagrata ruhuashpaca, chai pucushcatami micunga.

JEREMÍAS 2:1

Mandac Dios ñucata rimashpaca:

JEREMÍAS 2:2

«Jerusalenpi causaccunaman huillashpa, Mandac Diosca: “Ñucaca canta yuyarinimi. Cunan huiñai cashpaca, allimi cazurcangui. Cunanlla cazarashca shinami, ñucata cuyarcangui. Chaimantami ima mana pucuc shitashca pambatapish ñucata catimurcangui.

JEREMÍAS 29:11

Ñucaca cancunaman ima ruhuanata yuyaricushcataca yachanimi. Cancuna cushilla shuyashpa causachunca, cancunata llaquichinapac randica, cushi causaitami cusha. Chaitaca Mandac Dios ñucami nini.

JEREMÍAS 3:4

Cunanllami canca: “Ñuca taitalla, huambrarac cacpica, canmi ñucata pushashpa purircangui.

JEREMÍAS 32:15

Cai llactapica huasicunatapish, allpacunatapish, uvas chagracunatapish randinaracmi cangui’ ninmi” nircani.

LAMENTACIONES 3:21

Chaicunata ashtahuan ñuca shungupi yuyarishpami, Diosta mañashpa shuyacushalla.

EZEQUIEL 16:22

Chashna millaita ruhuacushpa, huainayacushpaca huambrarac cashpa, churana illac cashcatapish, yahuarpi mapayashca siricushcatapish mana yuyarircanguichu.

EZEQUIEL 16:60

Shina cacpipish, can huambrarac cacpi, canhuan ari nishcataca yuyaricushami. Huiñaitami ari nishcata sinchiyachisha.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

EZEQUIEL 28:25

Mandac Diosca: Ñucaca shuctac gentecunapac chaupipi causacuc israelcunataca tandachishami. Chashna ruhuashpami, llactapi causaccunapac ñaupapica jucha illac cashcata ricuchisha. Israelcunaca paicunapac llactapimi causanga. Chai llactataca ñucata servic Jacobomanmi curcani.

EZEQUIEL 28:26

Chai llactapimi imatapish mana manchashpa, huasicunata shayachishpa, uvas tarpushpa causanga. Chai llactapica imatapish mana manchashpami causanga. Chai muyundipi causaccunata cashcata ruhuashpa, ñuca llaquichicpimi, chashnaca causanga. Chaita ricushpami, ñucataca Mandac Dios cashcata yachangacuna” ninmi ningui» nirca.

OSEAS 11:1

Mandac Diosca: «Israelcunataca huambrarac cacpimi, yallita cuyarcani. Ñuca churitaca Egiptomantami cayarcani.

OSEAS 12:13

Mandac Diosca pai ima nishcata huillac runahuanmi israelcunataca Egiptomanta pushamurca. Chai huillac runatami paicunata cuidachun churarca.

OSEAS 12:9

Ñucaca Egiptomanta llucchimushca punzhamanta pachami cancunata Mandac Dios cani. Cancunataca fiesta punzhacunapi shinami, carpa huasicunapi causachun saquisha.

OSEAS 13:4

Mandac Diosca: «Ñucaca Egiptomanta llucchimushca punzhamanta pachami cancunata Mandac Dios cani. Ama ñucapac randi, shuctac diosta charinguichicchu. Shinallatac shuctac quishpichictapish ama charinguichicchu. Ashtahuanpish ñucallami Dios cani.

OSEAS 2:12

Paipac uvas chagratapish, higo yuracunatapish tucuchishami. Chaicunatami paica: «Ñuca cuyashcacuna ñucaman pagashcami» nirca. Chai yuracunataca yanga yuracunata ruhuasha. Chaicunataca sacha animalcunami micunga.

AMÓS 9:14

Ñuca acllashca israelcuna prezumanta cutichimushami. Paicuna cutichimucpimi, urmashca llactacunata allichishpa causanga. Paicunaca uvasta tarpushpaca vinota ubiangacunami. Huerta ruhuashpaca, chaipi pucushca micungami.

ZACARÍAS 9:12

Prezumanta cutina yuyailla caccucunalla, muyundita pircashcaman cutimuichicyari. Cunanca, cancuna yallita llaquita apashcamantaca chaupihuan yalli allicunata cancunaman cunatami huillacuni.

NÚMEROS 21:17

Chaipi israelcuna cantashpaca: «¡Yacu llucshic jundulla, yacuta cuiyari! ¡Diosta cantaichicyari!

SAN JUAN 10:9

Ñucami punguca cani. Maijanpish ñucamanta yaicucca quishpiringami. Paica llucshic, yaicucmi puricunga. Micunatapish taringami.

HECHOS 14:27

Antioquía puebloman chayashpaca, chaipi causac tandanacushca criccunatami tandachirca. Chashna tandachishpami, Dios paicunahuan cacpi, ima allicunata ruhuashcatapish, mana israelcunacaman quishpirichun Dios saquishcatapish parlarca.

JOSUÉ 7:26

Chashna paita rupachishca jahuapica rumicunatami montonarca. Chai montonca cunancamanmi tiyan. Chashna rupachicpimi, Mandac Diosca pai nina japiric shina piñarishcataca pasachirca. Chaimantami chai pugru pambataca cunan punzhacaman Acor pamba nincuna.

JUECES 8:34

Israelcunaca paicunapac muyundipi causac piñac gentecunapac maquimanta Mandac Dios quishpichishcataca mana yuyarircacunachu.