OSEAS 10:6 - Dios Rimashcata Quillcashcami

⁶ Chai beci diostaca jatun mandacman cungapacmi Asiria llactaman apanga. Efraín ailluca pingaichishcami canga. Israelcunaca mana alli yuyaita cushcamantami pingai tucunga.

OSEAS 10:6 ပူးပေါင်းရင်းမြစ်များ

2 REYES 17:3

Asiria llactata jatun mandac Salmanasarca macanacushpa atishpami, Oseastaca servichishpa, impuestota pagachishpa causarca.

JOB 18:7

Sinchita puric cashpapish allimantami puringa. Paitaca, pai imata yuyacushcallatacmi urmachinga.

ISAÍAS 1:29

Chashna ruhuacpimi, cancunaca encina yuracunata cuyashcamanta pingaichishca canguichic. Cancuna acllashca huertacunatapish burlashpami pingaichinga.

ISAÍAS 30:3

Ashtahuanpish Faraón ayudacpi, sinchiyanapac randica, pingaichishcami canga. Chaipi causaccunapi llanduric shina, miticunapac randica, yalli llaquimi tucunga.

ISAÍAS 45:16

Yangalla dioscunata ruhuaccunami pingaichishca, cumurichishca canga. Chashnami yallita llaqui tucunga.

JEREMÍAS 48:13

Shina ruhuacpimi, Moab llactaca Bet-el diospi shunguta churashcamanta israelcuna pingai tucushca shina, Quemos diospi shunguta churaccunaca pingaihuan canga.

JEREMÍAS 7:24

Shina mandacpipish, mana uyarcacunachu, mana cazurcacunachu. Ashtahuanpish sinchi shungu tucushpami, mana allita yuyarishpa, paicuna munashcata ruhuashpa, ñaupaman rinapac randica, huashaiman cutirirca.

EZEQUIEL 16:28

Chashna huainayashpapish mana amirishpami, asiriocunahuanpish huainayarcangui. Paicunahuan huainayashpapish mana amirircanguichu.

EZEQUIEL 36:31

Chaimantami cancunaca mana alli causashcatapish, millana juchacunata ruhuashcatapish yuyarishpa, cancunallatac pingaringuichic.

DANIEL 11:8

Chashnami chaipi tiyac dioscunatapish, imaman riccha dioscunatapish, shinallatac cullquimanta, curimanta ruhuashca sumaccunatapish Egiptoman apanga. Chashna ruhuashpaca maijan huatacunatami jahua lado llactata mandac-huanca macanacushpa causanga.

OSEAS 4:19

Chaimantami paicunataca huaira aparinga. Animalcunata Diosman cushpa huañuchishcamantami pingai tucunga.

OSEAS 4:7

Curacuna ashtahuan achca tucushpaca, ashtahuan juchallishpami ñucata piñachirca. Chaimantami paicuna alli nishca canata anchuchishpa, pingaichishpa asinata ruhuasha.

OSEAS 5:13

Efraín ailluca ungüihuanmi llaquichishca canga. Judá llactapi causaccunataca sisu ungüimi tucuchinga. Chaimantami Efraín ailluca Asiria llactata jatun mandac Jarebman huillachun cachanga. Shina ricpipish, sisu ungüitaca mana jambingachu.

OSEAS 8:6

Cai beci diosca maquillahuan ruhuashcallami. Chaica mana Dioschu. Chaimantami Samariapi tiyac beci diosca ñutuchishca canga.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.