OSEAS 1:5 - Dios Rimashcata Quillcashcami

⁵ Chai punzhallatacmi israelcunapac flechacunata Jezreel pugru pambapi paquisha» nirca.

OSEAS 1:5 ပူးပေါင်းရင်းမြစ်များ

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

SALMOS 37:15

Shina cacpipish, paicunapac espadaca paicunapac shungullapitacmi yaicunga. Cutin arcoca paquiringami.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

JEREMÍAS 51:56

Tucuchiccunaca Babilonia llactaman shamushpami tucui tucuchishpa, sinchi soldadocunatapish prezu apanga. Paicunapac arcopish polvoringami. Mandac Diosca paicuna imata ruhuashca shinallatacmi llaquichinga.

EZEQUIEL 39:3

Cambac lluqui maquipi charicuc arcotapish quichushami, cambac alli maquipi charicuc flechatapish urmachishami.

OSEAS 2:18

Chai punzhapimi canta ama llaquichichun sacha animalcunahuanpish, volac animalcunahuanpish, allpata aisaric animalcunahuan ari nisha. Chai llactapica jatun macanacuita chingachishpami flechacunatapish, espadacunatapish chingachisha. Chashna ruhuacpimi, canca mana manchashpa, cushilla causangui.

JOSUÉ 17:16

Shina nicpimi, Josepac churicunaca: —Chai urcu allpaca ñucanchicmanca mana pactangachu. Chaipac jahuapica, chai pambapi causac cananeocunapish, Bet-seán pueblopi causaccunapish, chai muyundi uchilla llactacunapi causaccunapish, Jezreel pambapi causaccunapish fierromanta ruhuashca carretacunatami charincuna— nirca.

JUECES 6:33

Chai quipaca tucui madianitacunapish, amalecitacunapish inti llucshina ladopi causaccunapish tandanacushpami Jordán yacuta pasashpa Jezreel pambacunapi carpata shayachishpa tiyarirca.