NÚMEROS 35:29 - Dios Rimashcata Quillcashcami

²⁹ Cai mandashcacunaca cancunapacpish, cancunapac huahua huahuacunapacpishmi can. Cancuna maipi cashpapish tucui chai mandashcacunatami ruhuana canguichic.

NÚMEROS 35:29 ပူးပေါင်းရင်းမြစ်များ

ÉXODO 27:21

Chai lamparacunataca Aaronmi paipac churicunandi Mandac Dios ñucapac ñaupapi, ñucahuan tupana ucupi mandashcacunata huacaichishca paño canzhapi, chishimanta tutamantacaman japichishpa charinga. Caicunataca tucui israelcunapish, paicunapac huahua huahuacunapish huiñaita pactachichunmi, mandashpa quillcashca.

NÚMEROS 18:23

Levitacunallami ñucahuan tupana huasipica servinga. Israelcuna chai ucuman yaicushpa juchallicpica, paicunami juchanchishca canga. Caica cambac huahua huahuacunamanmi huiñaita quillcashpa mandashca canga. Levitacunaca israelcunapurapica ima allpata mana japingachu.

NÚMEROS 27:1

Zelofehadca Heferpac churimi carca. Heferca Galaadpac churimi carca. Galaadca Maquirpac churimi carca. Maquirca Manasespac churimi carca. Manasespac aillucunaca Josepac churicunami carca. Zelofehadpac ushicunaca Magla, Noa, Hogla, Milca, Tirsami carca.

NÚMEROS 27:11

Paipac taitapac huauquicuna mana tiyacpica, cuchulla familiacunaman allpata cungui. Mandac Dios Moisesta mandashca shinallatacmi cai mandashcataca tucui israelcuna pactachina can” ningui» nirca.

NÚMEROS 35:28

Chaimanta chai huañuchic runaca curacunata mandac cura huañungacaman chai miticuna llactallapitac causana can. Cura ña huañucpimi, pai causana llactaman cutinga.