NÚMEROS 35:19 - Dios Rimashcata Quillcashcami

¹⁹ Huañucpac maijan familiami chai huañuchic runataca maipipish tupashpaca huañuchinga.

NÚMEROS 35:19 ပူးပေါင်းရင်းမြစ်များ

GÉNESIS 4:14

Cunanca, cai allpamanta llucchishpa cachacpica, cambac ñahuimanta caruyashpa, shuctac llactamanta shamushca shinami puricushalla. Shina puricucpica, pipish tupashpa huañuchingachari— nirca.

2 SAMUEL 14:11

Shina nicpimi, chai huarmica: —Jatun mandaclla, huañuchishpa yahuarta jichashcamanta huañuchiccuna ñuca huahuata ama llaquichishpa, huañuchichun Diosta mañanguiyari— nirca. Shina nicpimi, jatun mandacca: —¡Mandac Diospac shutipimi nini: Cambac huahuapac shuc acchallapish mana allpapi urmangachu!— nirca.

2 SAMUEL 14:7

Cunanca tucui familiacunami canta servic ñucataca piñai callarincuna. Ñucataca: “Paitapish chashnallatac huañuchingapac huauquita huañuchicta apamui. Pai imata japina cacpipish huañuchishunllami” nincuna. ¡Chashna ruhuashpaca shuc mecha japiricucta huañuchic shinami ñuca cusapac shutitapish, paipac huahua huahuacunatapish cai pachamanta chingachinata munancuna!— nirca.

2 SAMUEL 3:27

Abner Hebrón puebloman cuticpimi, Joabca paillahuan parlasha nic shinalla chai pueblo yaicuna punguman caruyachishpa pusharca. Chaipimi paipac huauqui Asaelta huañuchishcamanta yallita piñarishpa huicsapi chugrishpa huañuchirca.

2 SAMUEL 3:30

Joab, paipac huauqui Abisaimi Gabaón macanacuipi paicunapac huauqui Asaeltaca huañuchishcamanta Abnertaca huañuchirca.

NÚMEROS 35:12

Chai llactacunapimi huañuchicca huañucpac familiacunamanta miticugringa. Chaipimi tandanacushca israelcuna tapushpa taripangacaman miticugringa.

NÚMEROS 35:18

Maijanpish huañuchinalla caspihuan huañuchicca huañuchic runa nishcami canga. Paipish huañuchishcami canga.

NÚMEROS 35:20

Maijanpish piñashpa tangashpa, mana cashpaca imahuan shitashpa,

NÚMEROS 35:21

mana cashpaca piñanacushca cashcamanta maquihuan huactashpa huañuchicca huañuchic runa nishcami canga. Paipish huañuchishcami canga. Huañucpac maijan familiami chai huañuchic runataca maipipish tupashpa huañuchinga.

NÚMEROS 35:24

tucui israelcuna tandanacushpa, ima shina chai huañui tiyashcata ricunga. Chashna tapushpaca, huañuchishcamantaca mandashcapi nishca shinami, cashcata ruhuashpa taripanga.

NÚMEROS 35:27

huañucpac familia llactamanta carupi puricucpi, tupashpa huañuchishpaca mana juchanchishcachu canga.

DEUTERONOMIO 19:12

cancunapac llactapi causac yuyaccunami chai pueblomanta llucchichun cachanga. Chashna llucchishpami paitapish huañuchichun huañucpac familiapac maquipi churanga.

DEUTERONOMIO 19:6

Chai miticuna llacta yalli caru cacpi, huañuchishcamanta piñarishpa paitapish huañuchingapac cati rishpa, pacta huañuchinman. Paica manapish piñanacushca cashpami huañuchirca. Chaimanta paitaca mana huañuchinachu can.

JOSUÉ 20:3

Maijan cashpapish manapish huañuchina munaihuan maijanta huañuchishpa shinallatac huañushcapac familia paitapish ama huañuchichunca chai pueblopimi miticugringa.

JOSUÉ 20:5

Huañuchishcamanta paitapish huañuchingapac caticcuna chaiman chayacpica, mana paicunapac maquipi churanachu can. Paica manapish huañuchina munaihuan, manapish piñanacushca cashpami huañuchishca.

JUECES 8:19

Shina nicpimi Gedeonca: —¡Paicunaca ñuca mamamanta huauquicunami! ¡Mandac Diospac shutipimi nini: Paicunata mana huañuchishca cacpica, ñucapish mana huañuchimanchu!— nirca.