NÚMEROS 33:38 - Dios Rimashcata Quillcashcami

³⁸ Chaipi cashpami Mandac Dios mandashca shinallatac Aarón curaca Hor urcuman huichai rishpa chaipi huañurca. Israelcunaca Egiptomanta llucshimushcaca chuscu chunga huatami tucurca. Chai huata pichca quilla callari punzhapimi paica huañurca.

NÚMEROS 33:38 ပူးပေါင်းရင်းမြစ်များ

NÚMEROS 33:39

Aaronca patsac ishcai chunga quimsa huatayuc cashpami Hor urcupi huañurca.

DEUTERONOMIO 1:3

Egiptomanta llucshishca chuscu chunga huata, chunga shuc quilla, punta punzhapimi Moisesca israelcuna imata ruhuana cashcata Mandac Dios mandashca shinallatac huillarca.

DEUTERONOMIO 10:6

(Chai quipami israelcunaca Beerot-bene-jaacán pambamantaca Moseraman rirca. Chaipi Aarón huañucpimi, enterrarca. Paipac randica paipac churi Eleazarmi cura tucurca.

DEUTERONOMIO 32:50

Chai urcupimi cambac huauqui Aarón Hor urcupi huañushpa paipac ñaupa aillucunahuan tandaringapac ric shina canpish chai urcuman rishpa huañushpa, cambac ñaupa aillucunahuan tandaringapac ringui.