NÚMEROS 32:33 - Dios Rimashcata Quillcashcami

³³ Paicuna shina nicpimi, Moisesca Gadpac, Rubenpac aillucunaman, Josepac churi, Manasespac chaupi aillumanpish amorreocunata jatun mandac Sehón mandacushca, jatun mandac Og mandacushca llactacunata, chai llactacuna ucupi tiyac llactacunandi, llacta muyundi llactacunandi curca.

NÚMEROS 32:33 ပူးပေါင်းရင်းမြစ်များ

1 CRÓNICAS 12:31

Davidta jatun mandac cachun churangapac ric Manasespac chaupi aillucunaca chunga pusac huaranga runacunami carca.

1 CRÓNICAS 26:32

Tucui paicunaca ishcai huaranga canchis patsac sinchi runacunami carca. Paicunaca familiacunata mandaccunami carca. Jatun mandac Davidca Rubenpac, Gadpac aillucunata, Manasespac chaupi ailluta mandachunmi paicunataca churarca. Shinallatac Diospac huasipi servichunpish, jatun mandacta servichunpish churarcami.

1 CRÓNICAS 5:18

Rubenpac, Gadpac, Manasespac chaupi aillucunaca yalli sinchimi carca. Escudota, espadata apaccuna, arcota cacharina, macanacunata alli yachaccunaca chuscu chunga chuscu huaranga canchis patsac sucta chunga runacunami carca. Paicunami macanacungapac llucshic carca.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

NÚMEROS 32:32

Mandac Diospac ñaupata macanacunahuan allichirishpami Canaanpi causaccunahuan macanacungapac pasashun. Jordán yacuta inti llucshic ladoman cac allpaca ñacaman nishca shinami ñucanchicpac canga— nirca.

NÚMEROS 34:14

Rubenpac, Gadpar aillucunapish, Manasespac chaupi aillupish paicunapac huasi ucu familia mashna cashca shinallatacmi allpataca japirca.

NÚMEROS 34:15

Chai ishcai aillucuna, shinallatac caishuc ailluca Jericó chimba ladopi cac Jordán yacu ladopimi japirca. Chaica inti llucshina ladomanmi saquirin» nirca.

DEUTERONOMIO 29:8

Paicunata atishpaca, allpata quichushpami Rubenpac ailluman, Gadpac ailluman, Manasespac chaupi ailluman curcanchic.

JOSUÉ 12:1

Israelcunaca Jordán yacu chimba ladoman cac inti llucshic lado llactacunataca Arnón yacumantaca Hermón urcucaman, shinallatac inti llucshic ladopi cac Arabá tucui llactatami japirca. Chai jatun mandaccunata atishpami, israelcunaca chai llactacunata japirca.

JOSUÉ 12:6

Chai jatun mandaccunatami Mandac Diosta servic Moisespish, israelcunapish atirca. Chai llactacunatami Mandac Diosta servic Moisesca Rubenpac, Gadpac aillucunaman shinallatac Manasespac chaupi ailluman curca.

JOSUÉ 14:3

Rubenpac, Gadpac cai ishcai aillumanpish, Manasespac chaupi aillumanpish ñami Moisés Jordán yacu chimba ladopi tiyac allpata cushca carca. Shina cashpapish levitacunamanca mana curcachu.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JOSUÉ 22:7

Moisesca Manasespac chaupi aillumanca Basán llactapimi allpata cushca carca. Cutin caishuc chaupi aillumanca Josuemi Jordán yacumanta inti tigrana ladoman paicunapac huauquicunapac chaupipi allpata curca. Paicunatapish bendiciashpami Josueca carpa huasicunaman cacharca.

1 SAMUEL 13:7

Shinallatac maijan israelcunaca Jordán yacuta pasashpami Gad, Galaad llactacunaman rirca. Ashtahuanpish Saulca Gilgal pueblollapitacmi carca. Paihuan cac tucui gentecunaca manchaihuanmi chucchucurca.