NÚMEROS 32:29 - Dios Rimashcata Quillcashcami

²⁹ —Gadpac, Rubenpac aillupuramanta cac israelcuna Mandac Dios mandashca shina, cancuna allpata japingacaman Mandac Diospac ñaupata macanacunahuan macanacungapac cancunahuan pacta Jordán yacuta pasacpica, cai Galaad llactata cunguichic.

NÚMEROS 32:29 ပူးပေါင်းရင်းမြစ်များ

NÚMEROS 32:17

Ñucanchicca macanacungapac allichirishpami caishuc israelcunata ñaupashpa rishun. Paicuna chai llactaman yaicungacamanmi macanacushun. Ñucanchic macanacuiman ricpi, cai llactapi causaccuna ñucanchic huahuacunata ama llaquichichunca, llacta muyunditami pircashun.

NÚMEROS 32:28

Paicuna shina nicpimi, Moisesca Eleazar curata, Nunpac churi Josueta, israelcunapurapi cac aillucunapac taitacunata mandaccunataca:

NÚMEROS 32:30

Ashtahuanpish cancunahuan pacta macanacungapac mana ricpica, cancunahuan pactallatac Canaanpi allpata cunguichic— nirca.

JOSUÉ 12:6

Chai jatun mandaccunatami Mandac Diosta servic Moisespish, israelcunapish atirca. Chai llactacunatami Mandac Diosta servic Moisesca Rubenpac, Gadpac aillucunaman shinallatac Manasespac chaupi ailluman curca.

JOSUÉ 13:11

Galaad llactatapish gesurcuna, maacateocuna causana llactatapish, Hermón urcutapish, shinallatac tucui Basán llactatapish Salca pueblocamanmi curca.

JOSUÉ 14:3

Rubenpac, Gadpac cai ishcai aillumanpish, Manasespac chaupi aillumanpish ñami Moisés Jordán yacu chimba ladopi tiyac allpata cushca carca. Shina cashpapish levitacunamanca mana curcachu.

JOSUÉ 18:7

Ashtahuanpish levitacunaca mana japingachu. Paicuna japinaca Mandac Diospaclla cura canami. Rubenpac, Gadpac aillucunapish, Manasespac chaupi aillupish Jordán yacumanta inti llucshina ladopi cac allpatami ña japirca. Chai allpataca Mandac Diosta servic Moisesmi curca— nirca.

JOSUÉ 22:9

Shinami Rubenpac, Gadpac aillucunapish, Manasespac chaupi aillupish Canaán llactapi cac Silo pueblopi israelcunamanta caruyashpa, paicunapac Galaad llactaman cutimurca. Chai llactataca Mandac Dios Moisesta mandashca shinami, paicuna causachun curca.

JUECES 10:3

Mandac Tola huañushca quipaca Galaad aillumanta mandac Jairmi israelcunata quishpichingapac jatarirca. Paica ishcai chunga ishcai huatatami israelcunata mandarca.

1 SAMUEL 18:17

Chaimantami Saulca Davidtaca: —Riqui, ñuca punta ushi Merabtami cambac huarmi cachun cugrini. Can Mandac Diosmanta sinchita macanacushpa atichunmi cambac huarmi cachun cugrini— nirca. Shina nicpipish, Saulca Davidtaca: «Mana ñuca maquihuan huañuchishachu. ¡Ashtahuanpish filisteocuna huañuchichun!» yuyashpami, chashna nirca.