NÚMEROS 32:11 - Dios Rimashcata Quillcashcami

¹¹ “Egiptomanta llucshimuc ishcai chunga yalli huatayuc runacuna Abrahamman, Isaacman, Jacoboman cushami nishca llactamanca mana yaicungachu. Paicunallatac jahua shungulla ñucata caticushcamantami mana yaicunga.

NÚMEROS 32:11 ပူးပေါင်းရင်းမြစ်များ

NÚMEROS 14:23

ñaupa taitacunaman ñuca cushami nishca allpataca pi mana ricungacunachu. Ñucata yangapi churaccunaca mana ricungachu.

NÚMEROS 14:24

Shina cacpipish, ñucata servic Calebca shuctac yuyaiyuc cashpami ñuca nishcata uyashpa, ñucata catishpa, risha nirca. Chaimantami paitaca ricumushca llactamanca yaicuchisha. Chashnallatac paipac huahua huahuacunami chai allpataca japinga.

NÚMEROS 26:2

«Tandanacushca macanacuiman ripac israelcunata huasi ucupurata catishpa, ishcai chunga huatayucmanta huichaiman yupaichic» nirca.

DEUTERONOMIO 1:35

“Cancunapac taitacunaman cungapac ari nishca sumac llactataca quipa huiñai cai millai gentecunaca shucllapish mana ricungachu.

DEUTERONOMIO 1:8

Riquichic, ñucami cai llactacunata cancunapac maquipi churani. Mandac Dios ñucami chai llactacunataca cancunapac taita Abrahamman, Isaacman, Jacoboman, paicunapac huahua huahuacunaman cungapac ari nircani. Chai llactacunata japishpa tiyarigrichic” nirca.