NÚMEROS 31:8 - Dios Rimashcata Quillcashcami

⁸ Madianitacunahuan macanacushpaca, chai llactata pichca jatun mandaccuna Evita, Requemta, Zurta, Hurta, Rebatami huañuchirca. Shinallatac Beorpac churi Balaamtapish espadacunahuanmi huañuchirca.

NÚMEROS 31:8 ပူးပေါင်းရင်းမြစ်များ

SALMOS 10:2

Millaita ruhuaccunaca jatun tucushpami huacchataca catinta llaquichin. ¡Shina cashpapish huacchacuna urmachun, paicuna churashcallapitacmi urmanga!

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

PROVERBIOS 11:3

Cashcata ruhuac runacunataca chai ruhuashcacunallatacmi alli ñanta pushanga. Ashtahuanpish juchata ruhuaccunataca chai juchallatacmi tucuchinga.

PROVERBIOS 13:17

Mana alli huillac runaca llaquitami apamun. Ashtahuanpish cashcata huillac runaca jambic shina cushicuitami apamun.

HABACUC 3:7

Cusán llacta carpa huasicunaca llaquilla cactami ricuni. Madián llacta carpa huasicunapish chucchunmi.

NÚMEROS 22:10

Shina tapucpimi Balaamca: —Paicunaca Moab llactata jatun mandac Ziporpac churi Balac cachashca runacunami. Paicunataca:

NÚMEROS 22:4

Chaimantami Moabpi causaccunaca Madián llactata pushac yuyaccunata: «¡Cunanca, cai tucui gentecunaca huagracuna quihuata lambishpa micuc shinachari ñucanchictaca tucuchinga!» nirca. Chai punzhacunapica Moabpi causaccunataca Ziporpac churi Balacmi mandacurca.

NÚMEROS 22:5

Chaimantami Balacca Beorpac churi Balaamta cayachun cacharca. Balaamca Eufrates yacu ladopi cac, paipac llactapura causana Petor llactapimi causacurca. Balac cayagriccunata cachacushpaca: «Cai tucui gentecunami Egiptomanta shamushpa, tucui llactacunapi jundashca. Ñami ñuca causana chimba ladopi tiyacuncuna.

NÚMEROS 23:10

Jacobomanta mirarishca tiyu shina achca israelcunataca, ¿pitac yachangayari? Chuscupi chaupishcatapish, ¿pitac yupai pudingayari? ¡Ñucaca cashcata ruhuac shina, huañushpachari alli caiman! ¡Paicuna shina tucurishpachari alli caiman!» nirca.

NÚMEROS 24:14

Riqui, cunanca ñuca llactaman rigrinillami. Shina cacpipish, tucuri punzhacunapi israelcuna cambac llactacunapi causaccunata imata ruhuagricushcata huillangapac shamui— nirca.

NÚMEROS 24:25

Chaimanta Balaam jatarishpaca, paipac llactamanmi cutirca. Shinallatac Balacpish paipac ñanta japishpa rircallami.

NÚMEROS 25:15

Chai huañuc madianita huarmica madianitapac huasi ucupurata pushacpac ushi Cozbimi carca.

NÚMEROS 25:18

Paicunaca allita umanata yachashpami cancunataca Baal-peor diosta adorachishpa umarca. Shinallatac madianitapac huasi ucupurata pushacpac ushi Cozbimi huarmipish pandachircami. Paica Baal-peor diosta adoracushcamanta huañuchicuc punzhapimi huañurca» nirca.

NÚMEROS 31:16

¡Chai huarmicunaca Balaam yachachishcata uyashpami israelcunata pandachirca! ¡Chaimantami Mandac Diospaclla israelcunaca Baal-peor diosta adorashpa, Mandac Diosta piñachirca! ¡Chaimantami Mandac Diospac tandanacushca israelcunaca achca huañurca!

NÚMEROS 31:9

Chashna huañuchishpami israelcunaca madianita huarmicunatapish, huahuacunatapish prezu aparca. Paicunapac tucui animalcunatapish, huagracunatapish, imalla charishcacunatapish quichushpami aparca.

2 PEDRO 2:15

Cashcata ruhuashpa causanata saquishpami Bosorpac churi ñaupa huillac Balaam ruhuashcata catishpa pandarishpa purincuna. Balaamca millaita ruhuashpallami, cullquita japinata munac carca.

SAN JUDAS 1:11

Chashna gentecunaca, ¡aij, imachari tucungacuna! Paicunaca Caín ruhuashcatami catishcacuna. Balaam shinami, cullquiraicu pandarishcacuna. Shinallatac Coré shina cariyaclla cashcamantami, huañushpa chingaringacuna.

APOCALIPSIS 19:20

Chai manchana animaltapish, llullashpa huillactapish prezumi japircacuna. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

APOCALIPSIS 2:14

Shina cacpipish asha mana allicunata ruhuacushcatami cantaca ricuni. Chaipica Balaam yachachishcacunata catishpa mana saquinata munaccunatami charingui. Paimi israelcunataca chai ruhuashcalla dioscunaman cushca micunata micuchunlla, huacllirichunlla nishpa, yachachichun Balactaca yachachishca carca.