NÚMEROS 31:4 - Dios Rimashcata Quillcashcami

⁴ Israel aillucunamantaca cada aillumantami shuc huaranga macanacuiman cachana canguichic» nirca.

NÚMEROS 31:4 ပူးပေါင်းရင်းမြစ်များ

LEVÍTICO 26:8

Pichcallami patsac cancunata piñaccunata manchachishpa cachanguichic. Cancunapuramanta patsacca chunga huarangatami atishpa espadahuan huañuchinguichic.

NÚMEROS 31:3

Shina nicpimi, Moisesca israelcunataca: «Jatun macanacuiman ringapac allichirichic. Mandac Dios ñucata madianitacuna llaquichishcamanta paicunatapish Madianpi llaquichichic.

NÚMEROS 31:5

Chashnami cada Israel aillumanta huaranga huaranga runacunata acllarca. Chunga ishcai huaranga israelcunami rirca.

JUECES 7:2

Chaipimi Mandac Diosca Gedeontaca: «Madianitacunata cambac maquipi churangapacca canhuanca yallimana gentecunami. Chashna israelcunaca achca cashpaca: “Ñucanchic alli sinchi cashpami macanacuita mishashcanchic” nishpa, ñucata piñachingacunami.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.