NÚMEROS 31:12 - Dios Rimashcata Quillcashcami

¹² Shina japishpami Moisespacman, Eleazar curapacman, tandanacushca israelcunapacman apamurca. Israelcunaca prezu japishcacunata, macanacushpa quichushcacunataca Moab pambacunapi cac carpa huasicunamanmi apamurca. Chaica Jordán yacu lado Jericó chimba ladopimi carca.

NÚMEROS 31:12 ပူးပေါင်းရင်းမြစ်များ

NÚMEROS 22:1

Chaimanta israelcuna Jericó chimba ladoman rishpa, Jordán yacu pata pambacunapi cac Moab llacta pambapimi carpata shayachishpa tiyarirca.

NÚMEROS 31:11

Quipaca macanacushpa quichushcacunatami gentecunatapish, animalcunatapish japirca.

NÚMEROS 31:13

Chaipimi Moisespish, Eleazar curapish, tandanacushca israelcunata mandaccunapish tupangapac carpa huasicunamanta llucshirca.

JOSUÉ 11:14

Israelcunaca chai pueblocunapi tucui ima tiyashcacunatapish, animalcunatapishmi japirca. Ashtahuanpish chaipi causac gentecunataca shucllatapish, mana saquishpami espadahuan tucui huañuchirca.

JOSUÉ 6:19

Ashtahuanpish curipish, cullquipish, broncemanta, fierromanta ruhuashca imacunapish Mandac Diospaclla chicanyachishcami. Chaimanta Mandac Diospac imapish valishcacunata churana ucupimi churana can» nirca.