NÚMEROS 29:17 - Dios Rimashcata Quillcashcami

¹⁷ Ishcainiqui punzhapica ima mana tucushca chunga ishcai becita, ishcai cari ovejata, shuc huatayuc chunga chuscu cari ovejata cunguichic.

NÚMEROS 29:17 ပူးပေါင်းရင်းမြစ်များ

SALMOS 40:6

Animalcunata canman cushpa huañuchichunpish, ofrendata cuchunpish mana munanguichu. Juchacunamanta animalcunata cushpa, tucui rupachichunpish mana mañashcanguichu.

SALMOS 69:31

Chashna alabacpimi, Mandac Diosca maltón becita tucui cushcamanta, huagratapish cushcamanta yalli cushicunga.

ÉXODO 12:5

Chaitaca ovejamanta, mana cashpaca chivomanta cashpapish ima mana tucushca, shuc huatayuc cari animalta japichic.

ISAÍAS 1:11

Mandac Diosca: «Cancuna achca animalcunata ñucaman cushpa, huañuchishcapish, ¿ñucamanca imapactac valin? Cari ovejacunata cushpa, tucui rupachishcatapish, huira animalcunapac huirata rupachishcatapish ñucaca millanimi. Huagracunata, cari ovejacunata, chivocunata huañuchishpa, cushca yahuartapish mana munanichu.

OSEAS 6:6

Ñucaman animalta huañuchinapac randica, ñucata cuyachunmi munani. Animalta tucui rupachinapac randica, ñucata ricsichunmi munani.

LEVÍTICO 23:36

Canchis punzhatami Mandac Dios ñucaman cushpa rupachina canguichic. Pusacniqui punzhapica ñucapaclla tandanacuita ruhuashpami ñucaman cushpa rupachina canguichic. Chai punzhapica ima sinchi trabajota ama ruhuanguichicchu.

NÚMEROS 29:13

Mandac Dios ñucaman mishquilla ashnachunca ima mana tucushca chunga quimsa becita, ishcai cari ovejata, shuc huatayuc chunga chuscu cari ovejata tucuita rupachinguichic.

ROMANOS 12:1

Cuyashca criccuna, Dios cancunata cuyashcamanta caitami ruhuachun mañani: Cancunapac cuerpota Diosman ofrendata cuc shina, pai munashcata ruhuaichic. Chashna ruhuashpami, Diosta tucui shunguhuan alli ninguichic.

HEBREOS 8:13

Mushuc ari ninacuimanta Dios rimashpaca, ñaupa ari nishcaca ña mauca cashcatami ricuchin. Chai maucayashcaca ña tucurimugricucmi can.