NÚMEROS 23:8 - Dios Rimashcata Quillcashcami

⁸ Shina cacpipish, Dios mana maldiciacpica, ¿ima shinatac maldiciashayari? Mandac Dios mana llaquichicpica, ¿ima shinatac llaquichishayari?

NÚMEROS 23:8 ပူးပေါင်းရင်းမြစ်များ

PROVERBIOS 26:2

Zhutacuna atishpa ric shina, golondrina volac shinami, maldiciashcaca mana yanga shamun.

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

NÚMEROS 22:12

Shina nicpimi, Mandac Diosca Balaamtaca: —Chai runacunahuanca ama richu. Chai gentecunatapish ama maldiciaichu. Paicunaca ñuca bendiciashca gentecunami— nirca.

NÚMEROS 22:6

Cai gentecunaca ñucata yalli sinchicunami. Chaimanta paicunata maldiciangapac shamuiyari. Can maldiciacpica, paicunata atishpa, cai llactamanta llucchishpa cachashapishchari. Chaica, can maldiciacpica, chashnami tucun. Cutin can maijanta bendiciacpica, chashnami tucun. Chaitaca allimi yachani» nirca.

NÚMEROS 23:20

Paimi israelcunataca bendiciachun nirca. Pai bendiciashcataca ñucaca mana tigrachi pudinichu.

NÚMEROS 23:23

Jacobopac churi israelcunataca ima brujeriatapish, ima shuctac millaicunatapish mana ruhuai pudinchu. Jacobopac churi israelcunataca: “¡Diosca yalli allitami ruhuashca!” ningacunami.

NÚMEROS 23:7

Chaipimi Balaamca yuyarina rimaicunahuan huillashpaca: «Inti llucshina ladopi tiyac Aram llactapi causacucpimi, Moab llactata mandac Balacca pushamurca. Jacobopac churi israelcunata maldiciangapac shamui nirca.