NÚMEROS 22:31 - Dios Rimashcata Quillcashcami

³¹ Mandac Dios Balaamta ñahuita pascac shina ruhuacpimi, Balaamca Mandac Diospac ángel espadata maquipi apashpa, ñanpi shayacucta ricurca. Shina ricushpami Balaamca paipac ñaupapi pambaman cumurirca.

NÚMEROS 22:31 ပူးပေါင်းရင်းမြစ်များ

GÉNESIS 21:19

Chai quipami, Diosca Agarpac ñahuipi shuc yacu junduta ricuchirca. Chaita ricushpami, purupi yacuta jundachishpa, huahuaman ubiachirca.

1 CRÓNICAS 21:16

David huichai ricushpaca, Mandac Diospac ángel cai pachahuan jahua pachahuan chaupipi shayacuctami ricurca. Shinallatac paipac maquihuanca espadata Jerusalén pueblo ladoman ricuchishpa charicuctami ricurca. Chaimantami Davidpish, israelcunata pushac yuyaccunapish sharpa churanata churarishpa allpacaman cumurirca.

SALMOS 9:20

Mandac Dioslla, paicunapica manchaita churaiyari. Paicunaca runallami. Chaitaca paicunaman ricuchiyari.

ÉXODO 34:8

Chashna nicpimi, Moisesca pambacaman cumurishpa Mandac Diosta mañashpaca:

NÚMEROS 22:30

Chashna nicpi, burroca Balaamtaca: —¿Manachu cambac burro cani? ¡Ñucata charishca punzhamanta cunancamanmi montashpa purishcangui! ¿Ñucaca ima horatac cunan shina cantaca mana cazushcani?— nirca. Shina nicpimi Balaamca: —Mana— nirca.

NÚMEROS 24:16

Dios ima nishcatapish huillac, jatun Dios imata yuyacushcatapish yachac, imatapish ruhuac Dios muscuipi shina, ricuchishcata ricuc runami rimacun. Urmashca cashpapish ñahui pascashca urmac runami rimacun.

NÚMEROS 24:4

Dios rimashcata uyac, Imatapish ruhuac Dios muscuipi ricuchishcata ricucuc, urmashpapish mana urmac runami:

SAN LUCAS 24:16

Ashtahuanpish paicunapac ñahui pacashca shina cacpimi, Jesustaca mana ricsirca.

SAN LUCAS 24:31

Chai rato ñahuicuna pascaricpimi, Jesusta ricsircacuna. Chashna ricsicpica, Jesusca chingarircami.

SAN JUAN 18:6

Jesús: “Ñucami cani” nicpica, huashaman cutirishpami, azhacman urmarcacuna.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

JOSUÉ 5:13

Shuc punzhami Josueca Jericó pueblo cuchullapi cashpa huichai ricushpaca, shuc runa espadata huacaichinamanta llucchishpa, maquipi apashpa paipac ñaupapi shayacucta ricurca. Josué paipac ladoman cuchuyashpaca: —¿Canca ñucanchicpurachu cangui? ¿Mana cashpaca, ñucanchicta piñacpurachu cangui?— nishpa tapurca.

JOSUÉ 5:14

Shina tapucpi chai runaca: —Mana, ashtahuanpish Mandac Diospac soldadocunata mandacmi cani— nirca. Shina nicpi, Josueca pambacaman cumurishpa, allimari cangui nishpaca: —Ñucata mandaclla canta servictaca, ¿imatatac ruhuachun ninguiyari?— nirca.