NÚMEROS 22:22 - Dios Rimashcata Quillcashcami

²² Shina Balaam ricucpimi, Mandac Diosca nina japiric shina piñarirca. Shinallatac Mandac Diospac angelmi ñanta mana pasachisha nishpa jarcarca. Balaamca paipac burropi montashcami paita serviccunahuan ricurca.

NÚMEROS 22:22 ပူးပေါင်းရင်းမြစ်များ

2 REYES 10:20

Shina shamucpimi Jehuca: «¡Baal diosta yuyaringapac shuc punzhata chicanyachichic!» nirca. Shina nicpimi, paicunaca tucui tandanacurca.

ÉXODO 23:20

Ñuca allichishca llactaman cuidashpa, ñanta pushachunmi, ñuca angelta ñaupata cachani.

ÉXODO 4:24

Moisés cutishpa, ñanpi samaricucpimi, Mandac Diosca shuc tuta tupangapac llucshishpa, paita huañuchisha nirca.

LAMENTACIONES 2:4

Piñac runa shinami, paipac arcocunata cacharirca. Sumac tiyashcacunataca paipac alli maquihuanmi mana ricunayachic runa shina tucuchirca. Nina japiric shina piñarishpami, Sionpi tiyac carpa huasicunataca llaquichirca.

OSEAS 1:4

Chaimantami Mandac Diosca Oseastaca: «Chai huahuataca Jezreelta shutichi. Chaica, asha punzhacuna quipaca Jezreel runacunata huañuchishcamantami Jehupac huahua huahuacunataca llaquichisha. Shinallatac israelcunata mandaccunatapish tucuchishami.

NÚMEROS 22:23

Burroca Mandac Diospac ángel ñanpi espadata llucchishpa charicucta ricushpami, ladoyai callarirca. Chaimantami Balaamca burrota ñanman cutichingapac macarca.

NÚMEROS 22:32

Chaipimi Mandac Diospac ángel Balaamtaca: —¿Ima nishpatac cambac burrotaca quimsa cutin macarcangui? Riqui, can ñuca ñaupapi mana allita ruhuangapac ricucpimi, jarcangapac shamurcani.

NÚMEROS 22:35

Shina nicpi, Mandac Diospac ángel Balaamtaca: —Chai runacunahuan rilla. Shina rishpapish ñuca imata nichun nishcallata ningui— nirca. Shina nicpimi, Balaamca Balac cachashca mandaccunahuan rirca.