NÚMEROS 18:20 - Dios Rimashcata Quillcashcami

²⁰ Mandac Diosca Aarontaca: «Canca israelcunapac llactapica allpatapish mana japinguichu. Shinallatac israelcunahuanca imata mana japinguichu. Israelpurapica can japina allpa shinaca ñucami cani.

NÚMEROS 18:20 ပူးပေါင်းရင်းမြစ်များ

GÉNESIS 15:1

Chai quipa, Mandac Dios Abramman muscuipi shina ricurishpaca: —Abram ama manchaichu, ñucami escudo shina, canta jarcac cani. Sumac japinatami japingui— nirca.

SALMOS 142:5

Chaimantami Mandac Dios canta mañashpaca: «Canmi ñuca shungu churanaca cangui. Canllami cai pachapica ñuca japina cangui» nircani.

SALMOS 16:5

Mandac Dioslla, canmi ñucamanca imatapish cungui. ¡Ñuca causaica cambac maquipimi!

SALMOS 73:26

Ñuca cuerpopish, ñuca shungupish huañunallami. Shina cacpipish jatun rumi shina Diosmi ñuca shunguman fuerzata cun. Diosca huiñaitami imatapish allita cun.

LAMENTACIONES 3:24

Chaimantami paipi shunguta churashpa shuyani. Ñucamanca Mandac Diosca tucuimantami yallimi.

EZEQUIEL 44:28

Curacuna japinaca ñucami cani. Israel llacta allpataca ama cunguichicchu. Ñucami paicuna causana allpa shinaca cani.

NÚMEROS 18:7

Altar ucupi curacuna ruhuanataca cambac churicunallahuanmi ruhuana canguichic. Shinallatac pañohuan jarcachishca ucupipish cancunallatacmi ruhuana canguichic. Maijanpish chaiman yaicushpaca huañungami. Curacuna ruhuanataca cancunamanmi cuni» ningui nirca.

NÚMEROS 26:62

Tucui levitapuramanta caricunata shuc quillata charicmanta huichaiman yupashcaca ishcai chunga quimsa huarangami carca. Paicuna israelcuna shinallatac allpata mana japigricucpimi, mana israelcunahuan tandachishpa yupashca carca.

DEUTERONOMIO 10:9

Chaimantami levitacunaca paicunapac huauquicunapurapica imata mana japinga. Mandac Dios nishca shinami, paicuna japinaca Mandac Dios can.)

DEUTERONOMIO 12:12

Mandac Diospac ñaupapi cancunapish, churicunapish, ushicunapish, servic caricunapish, servic huarmicunapish, cancunapac llactapi causac levitacunapish cushicunguichic. Levitacunaca cancunapurapica ima allpata mana charinchu.

DEUTERONOMIO 14:27

Cancunapac llactapi causac levitacunata pacta cungaringuichicman. Paicunaca cancuna shina allpatapish, imatapish mana charinchu.

DEUTERONOMIO 14:29

Chaitami cancunahuan pacta mana allpata japishca, imata mana charic levitacunapish, pozashpalla causaccunapish, taita mama illac huahuacunapish, shinallatac cancunapac llactapi causac viudacunapish huicsa pactata micunga. Chashna cacpimi, Mandac Diosca cancuna imata ruhuacpipish bendicianga.

JOSUÉ 13:14

Ashtahuanpish Levipac aillumanca mana allpata curcachu. Paicunaca Dios mandashca shina, israelcuna Mandac Diosman animalcunata cushpa huañuchishca aichatami japina carca.

JOSUÉ 13:33

Ashtahuanpish Moisesca Levipac aillumanca allpata mana curcachu. Paillatac nishca shinaca israelcunata Mandac Diosmi paicunapac japina shinaca.

JOSUÉ 14:3

Rubenpac, Gadpac cai ishcai aillumanpish, Manasespac chaupi aillumanpish ñami Moisés Jordán yacu chimba ladopi tiyac allpata cushca carca. Shina cashpapish levitacunamanca mana curcachu.

JOSUÉ 18:7

Ashtahuanpish levitacunaca mana japingachu. Paicuna japinaca Mandac Diospaclla cura canami. Rubenpac, Gadpac aillucunapish, Manasespac chaupi aillupish Jordán yacumanta inti llucshina ladopi cac allpatami ña japirca. Chai allpataca Mandac Diosta servic Moisesmi curca— nirca.

APOCALIPSIS 21:3

Mandashpa tiyarinamanta sinchita shuc rimashca uyarishpaca: «Cunanca Diospac carpa huasica gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Diosllatacmi paicunahuanca causanga.