NÚMEROS 16:28 - Dios Rimashcata Quillcashcami

²⁸ Shina cacpimi Moisesca: —Cunanmi tucui caicunataca mana ñuca munaillamanta ruhuacushcata, ashtahuanpish Mandac Diosllatac ruhuachun cachashcata yachanguichic.

NÚMEROS 16:28 ပူးပေါင်းရင်းမြစ်များ

1 REYES 18:36

Diosman animalta cushpa rupachina horas ña chayacpimi, Dios ima nishcata huillac Elías altarman cuchuyashpaca: «¡Abrahampac, Isaacpac, Israelpac Mandac Dioslla, Israel llactapica canlla Dios cashcata cunan ricuchiyari! ¡Ñucapish canta servic cashcata can mandacpi, tucui caicunata ruhuacushcatapish ricuchiyari!

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ÉXODO 4:12

Chaimanta cunanca ri. Ñucami canhuanca casha, imata rimana cacpipish, ñucallatacmi rimachisha— nirca.

ÉXODO 4:15

Imata can ninataca paiman tucui huillangui. Ñucami can rimacpipish, pai rimacpipish imata rimanata yachachisha.

ÉXODO 7:9

—Faraón: “Milagrocunata ruhuashpa ricuchi” nicpica, canca Aarontaca: “Culebra tucuchun, Faraonpac ñaupapi cambac varata shitai” ningui— nirca.

JEREMÍAS 23:16

Tucuita Mandac Diosca: «Chai huillaccuna huillashcataca ama uyanguichicchu. Paicunaca yangallata huillashpami crichincuna. Paicunaca Mandac Dios ñuca muscuipi shina ricuchishcataca mana huillancunachu. Ashtahuanpish paicunapac yuyashcallatami huillan.

EZEQUIEL 13:17

Huañunalla runa, cambac llacta huarmicunaca quiquin yuyaimantami ñuca shutipi huillancuna. Paicunapacman rishpa, paicuna llaqui tucunata huillai.

ZACARÍAS 2:9

Mandac Diosca: «Ñuca cancunata piñashpa, llaquichicpica, quiquin serviccunallatacmi ima charishca quichushpa llaquichinga» ninmi. Chashna ruhuacpimi, ñucataca Mandac Dios cachashcata yachanguichic.

ZACARÍAS 4:9

“Zorobabelmi ñucapac huasi callari rumitaca churarca. Paillatacmi tucuchinga. Chaita ricushpami, Mandac Diosllatac ñucataca cachashcata yachanguichic.

NÚMEROS 24:13

“Balac paipac jatun huasi junda curita, cullquita cucpipish, Mandac Dios ama ruhuachun nishcataca mana ruhuashachu. Allitapish, mana allitapish, imatapish ñuca munaimantaca mana ruhuashachu, ashtahuanpish Mandac Dios nishcallatami ruhuasha” nircani?

SAN JUAN 11:42

Ñuca mañashcata can uyac cashcataca yachanimi. Caipi ñucahuan cac gentecuna ñucata can cachashcata crichunmi, cashna nini— nirca.

SAN JUAN 14:11

Ñucaca Taitahuan, Taitaca ñucahuan shuclla cashcata crichicyari. Ñucata mana crishpaca, ñuca ima ruhuashcata ricushpa crichicyari.

SAN JUAN 5:30

Ñuca munaimantaca imata mana ruhuai pudinichu. Ñucata cachac Taita nishcata uyashpami taripani. Mana ñuca quiquin munaimanta, ashtahuanpish ñuca Taita munaimantami juchanchini. Chaimantami cashcata ruhuashpa juchanchini.

SAN JUAN 5:36

Ñuca ruhuashcaca Juan huillashcamanta yallimi ñucamanta huillacun. Ñuca Taita ruhuachun nishcacunallatami ruhuacuni. Chai ruhuashcacunami ñuca Taita pi cashcatapish, ñuca pi cashcatapish ricuchin.

SAN JUAN 6:38

Mana ñuca munashcata ruhuangapacchu jahua pachamanta shamurcani, ashtahuanpish ñucata cachac Taita munashcata ruhuangapacmi shamurcani.

DEUTERONOMIO 18:22

Chai huillac Mandac Diospac shutipi huillashcapish mana pactacpi, pai nishca shina mana tucucpica, pai huillashcaca mana Mandac Dios huillachishcachu canga. Chai huillacca pai jatun tucungapacllami huillanga. Chaimanta paitaca ama manchanguichicchu.