NÚMEROS 15:39 - Dios Rimashcata Quillcashcami

³⁹ Chai flecoscunapi murucunata huarcuchishcata ricushpaca, ñuca mandashcacunata pactachinata yuyarishpami paicuna ricushpa, shungupi munanamanta jarcaringa.

NÚMEROS 15:39 ပူးပေါင်းရင်းမြစ်များ

1 REYES 12:33

Shinami Jeroboamca pusac quillapac chunga pichca punzhapi Bet-el pueblopi ruhuashca altarman huichicushpa inciensota rupachirca. Cai punzhaca paipac shungupi yuyarishcami carca.

JOB 31:7

Alli ñanmanta caruyashca cacpi, ñuca ñahui ricushcata shungupi yuyarishca cacpi, ñuca maquihuan mapayashca cacpica,

SALMOS 106:39

Chashnami paicunaca mana allita ruhuashpa mapayarcacuna. Chai ruhuashcacunahuanmi huainayashca shina tucurcacuna.

SALMOS 73:27

Riqui, canmanta caruyaccunaca chingaringami. Canmanta anchuriccunataca tucuitami tucuchingui.

ÉXODO 13:9

Mandac Diosca paipac poderhuanmi Egiptomanta llucchirca. Chaimantami Mandac Diospac mandashcacunata punzhanta rimachunca maquipi, ñahuipi señal canga.

PROVERBIOS 28:26

Pai yuyarishcallapi shunguta churac runaca yuyai illac runami. Ashtahuanpish alli yachac runaca ima llaquimantapish quishpiringami.

PROVERBIOS 3:1

Ñuca huahualla, ñuca yachachishcacunata amatac cungaringuichu. Ñuca mandashcacunataca cambac shungupi huacaichingui.

ECLESIASTÉS 11:9

Quipa huiñaicuna, huambrarac cashpa cushicuichic. Huambrarac cashpa cambac shungu cushicuchun saquingui. Cambac shungu munashcata, cambac ñahui ricushcata ruhuailla. Shina cacpipish, tucui chaicunata Dios taripana cashcataca yachanami cangui.

JEREMÍAS 9:14

Chaipac randica, paicunapac taitacuna yachachishca shinallatacmi Baal dioscunata catishpa, shungu munashcata ruhuashpa causarca.

EZEQUIEL 6:9

Cancunapuramanta mana huañushpa saquiriccunaca shuctac llactacunapi prezu causacushpami, paicunapac shungupi huainayac shina, ruhuashcalla dioscunata paicunapac shungupi munashpa, ñucamanta anchuringa. Chaimantami ñuca ima shina llaquichishcata yuyaringa. Paicuna millana juchacunata ruhuashcata yuyarishpaca, yallita pingangami.

OSEAS 2:2

¡Cancunapac mamataca juchanchichic paita juchanchichic! Paica mana ñuca huarmichu, ñucapish mana paipac cusachu cani. ¡Huainayanata saquichun! ¡Paipac pechomanta cuyashcacunata anchuchichun!

DEUTERONOMIO 29:19

Shina tiyashpaca, cai ari nishcata uyashpapish jatun tucushpa shungupi: “Ñucaca munashcata ruhuashpapish allimi causasha” ninguiman. Chashna yuyacpica, canmantami tucui llaqui tucunga.

DEUTERONOMIO 4:23

Chaiman chayashpaca, pacta Mandac Dios cancunahuan ari nishcata cungarishpa, imaman riccha shuctac dioscunata ruhuanguichicman. Chaicunataca Mandac Diosca ama ruhuachun nircami.

DEUTERONOMIO 6:12

Egipto llactapi cancuna huatashca shina causacushcamanta llucchic Mandac Diosta pacta cungaringuichicman.

DEUTERONOMIO 8:11

Cunan ñuca mandashcacunatapish, pactachinacunatapish, yachachishcacunatapish mana cazushpa, pacta canta Mandac Diosta cungaringuichicman.

DEUTERONOMIO 8:14

Shungupi jatun tucushpa, Mandac Diosta pacta cungaringuichicman. Paimi Egipto llactapi huatashca shina causacucmanta llucchirca.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.