NÚMEROS 11:7 - Dios Rimashcata Quillcashcami

⁷ Maná shuti granoca culantro muyu shinami carca. Chaica bedelio shina quillumi carca.

NÚMEROS 11:7 ပူးပေါင်းရင်းမြစ်များ

GÉNESIS 2:12

Chai allpapi tiyac curica mai allimi. Chai allpapica bedelio yuracunapish, ónice rumicunapish tiyanmi.

ÉXODO 16:23

Shina huillacpimi Moisesca: —Mandac Diosca: “Cayaca Mandac Dios ñucapaclla chicanyachishca samana punzhami. Cusana tiyacpica, cunanllatac cusaichic. Imapish puchushcataca cayandipac huacaichichiclla” ninmi— nirca.

ÉXODO 16:31

Chai tandataca israelcunaca maná nishpami shutichirca. Chaica culantro muyu shina, yuracmi carca. Shinallatac abeja mishquita churashca galleta shina mishquimi carca.

NÚMEROS 11:8

Israelcunaca chai manatac japingapac llucshishpaca cutashpa, mana cashpaca tacashpami yanuccuna, mana cashpaca tandata ruhuashpa cusashpa micuccuna carca. Chai micunaca mushuc aceite shina mishquimi carca.

APOCALIPSIS 2:17

Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca pacashca tiyacuc maná shuti tandatami carasha. Shinallatac mushuc shutita quillcashca yuranlla rumitami cusha. Chaitaca pipish mana ricsingachu, ashtahuanpish chaita chasquicllami ricsinga” ninmi.