NEHEMÍAS 9:28 - Dios Rimashcata Quillcashcami

²⁸ Ashtahuanpish ña alli causacushpaca, cutinmi cambac ñaupapi mana allita ruhuarcacuna. Chaimantami piñaccunapac maquipi churarcangui. Chashna churacpimi, paicunaca llaquichishpa, mandashpa charirca. Paicunaca cutinmi canta mañarcacuna. Jahua pachamantami uyarcangui, can llaquic cashcamantaca, cutinmi cacharichircangui.

NEHEMÍAS 9:28 ပူးပေါင်းရင်းမြစ်များ

1 REYES 8:39

Shina mañacpica, can causana jahua pachapi uyashpami, paicunapac juchacunata perdonangui. Shina perdonashpaca, paicuna imata ruhuashpa causashca shinallatac cungui. Gentecunapac shungutaca canllami ricsingui. Canllami yachangui.

SALMOS 106:42

Paicunata piñaccuna llaquichicpimi, paicunapac maquipi llaquichishca causarcacuna.

SALMOS 136:24

Ñucanchicta piñaccunapac maquimanta quishpichic Diosta alabaichicyari. ¡Paica huiñaita llaquicmi!

ISAÍAS 63:15

Jahua pachamanta ñucanchicta ricuiyari. Can causana, cambaclla sumaimana huasimanta chapaiyari. ¿Maipitac cambac jatun cuyaica? ¿Maipitac cambac poderca? ¿Maipitac ñucanchicta tucui shunguhuan llaquichicca? ¿Manachu llaquingui?

JUECES 2:19

Shina cacpipish, juezcuna huañucpica shucta dioscunata adorangapac rishpami paicunapac ñaupa taitacunata atishpa ashtahuan millai tucurca. Chashna mana allita ruhuanapi yacharishca cashcamantami millaita ruhuanata manatac saquirca.

JUECES 3:30

Chai punzhapica moabitacunaca israelcunapac maquipimi yaicurca. Chai quipaca pusac chunga huatatami cushilla chai llactapica causarca.

JUECES 4:1

Aod huañushca quipaca israelcunaca cutinllatacmi Mandac Diospac ñaupapi mana allita ruhuai callarirca.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.