NEHEMÍAS 9:23 - Dios Rimashcata Quillcashcami

²³ Paicunapac huahuacunatapish jahua pachapi tiyac lucerocuna shinatami mirachishcangui. Chashna ruhuashpami, paicunapac ñaupa taitacunaman cushami nishca llactaman, yaicuchun pusharcangui.

NEHEMÍAS 9:23 ပူးပေါင်းရင်းမြစ်များ

GÉNESIS 12:7

Chaipimi Mandac Dios Abramman ricurishpaca: «Cambac huahua huahuacunamanmi cai allpataca cusha» nirca. Chaipimi Abramca paiman ricurishca Mandac Diosman shuc altarta ruhuarca.

GÉNESIS 15:18

Chai punzhapi Mandac Diosca Abramhuanca pactachingapac ari nishpaca: —Cambac huahua huahuacunamanca allpataca cai Egipto jatun yacumanta Eufrates jatun yacucamanmi cusha.

GÉNESIS 15:5

Shina nishpa, Mandac Dios Abramta canzhaman pushashpa, jahua pachata ricuchishpaca: —Lucerocunata yupanata pudishpaca yupai. Chashnami cambac huahua huahuacunaca canga— nirca.

GÉNESIS 17:8

Can causacushca tucui Canaán llactatami canmanpish, cambac huahua huahuacunamanpish, cambac quipa miraicunamanpish huiñaipac cusha. Ñucaca paicunapac Diosmi casha— nirca.

GÉNESIS 22:17

yallita bendiciashpami, cambac huahua huahuacunataca jahua pacha lucerocuna shina, mama cucha tiyu shinata mirachisha. Chashnallatac paicunata piñaccunataca mishacungallami.

GÉNESIS 26:3

Chaipi causacpimi, ñucaca canhuan casha. Tucui chai allpata canmanpish, cambac huahua huahuacunamanpish cushpami bendiciasha. Chashnami, cambac taita Abrahamman cusha nishcataca pactachisha.

1 CRÓNICAS 27:23

Mandac Diosca israelcunataca jahua pachapi tiyac lucerocunata shinami mirachisha nishcami carca. Chaimantami Davidca ishcai chunga huatata manarac chariccunata ama yupachun mandarca.

ÉXODO 1:12

Chashna paicunata ashtahuan llaquichicca, ashtahuanmi mirashpa catirca. Chaimantami Egipto runacunaca israelcunata manchashpa,

ÉXODO 1:7

Ashtahuanpish israelcunaca mirarishpa achcayashpami, tucui llactacunapi jundashpa, sinchi tucurca.

DEUTERONOMIO 28:62

Mandac Dios rimashcata mana uyashcamantami jahua pacha lucerocuna shina, achca cashpapish ashalla saquiringuichic.