NEHEMÍAS 9:21 - Dios Rimashcata Quillcashcami

²¹ Canca shitashca pambapi, chuscu chunga huatata cacpipish cuidarcanguimi. Imapish mana illarcachu, paicunapac churanacunapish, mana maucayarcachu. Chaquicunapish mana punguillircachu.

NEHEMÍAS 9:21 ပူးပေါင်းရင်းမြစ်များ

SALMOS 34:10

Leoncunaca micunata mana charishpaca llaquillami purincuna. Ashtahuanpish Mandac Diosta mashcaccunaca ima illac mana causangachu. Tucui allitami charingacuna.

ÉXODO 16:35

Israelcuna causana llactaman chayangacamanmi chuscu chunga huatata maná shuti tandata micurca. Chaica Canaán llactaman yaicungacamanmi micurca.

AMÓS 5:25

Israelcunalla, cancuna shitashca pambapi chuscu chunga huatata puricushpaca, ¿ñucaman animalta cushpa huañuchircanguichicchu? ¿Ofrendatapish curcanguichicchu?

HECHOS 13:18

Chashnami shitashca pambapi chuscu chunga huatata paicuna mana allicunata ruhuacpipish, Diosca mana saquirca.

DEUTERONOMIO 2:7

Mandac Diosca cancuna imata ruhuacpipish bendiciashcami. Cai shitashca pambata ricucpica, paimi tucuipi cuidarca. Mandac Diosca chuscu chunga huatatami cancunahuan cashca. Cancunamanca imapish mana illashcachu.

DEUTERONOMIO 29:5

Ñucaca chuscu chunga huatatami shitashca pambataca cancunata pushamurcani. Chai huatacunaca cancunapac churanapish mana maucayarcachu, ushutapish mana tucurircachu.

DEUTERONOMIO 8:2

Mandac Dios chuscu chunga huatata shitashca pambata apamushcata yuyaringuichic. Chaitaca cancuna imata yuyac cashcata, mandashcata cazucta, mana cazuc cashcata ricungapacmi ruhuarca.

DEUTERONOMIO 8:4

Cancuna chuscu chunga huatata puricucpica, churanapish mana maucayarcachu. Chaquipish mana punguircachu.