NEHEMÍAS 9:2 - Dios Rimashcata Quillcashcami

² Israelpac huahua huahuacunaca shuctac llactamanta cac gentecunamanta chicanyarishpami, paicunapac juchacunatapish, paicunapac ñaupa taitacuna mana allita ruhuashcatapish huillarcacuna.

NEHEMÍAS 9:2 ပူးပေါင်းရင်းမြစ်များ

1 REYES 8:47

Paicunaca prezu apashca llactapi cashpami, canta mana cazushcata yuyaringacuna. Shina yuyarishpa, paicuna mañashpaca: “Juchatami ruhuashcanchic. Millaita ruhuashpami pandarishcanchic” ningacunami.

ESDRAS 10:11

Cunanca, cancunapac ñaupa taitacunata Mandac Diosmanmi juchata huillana canguichic. Dios munashcata ruhuangapacmi cai llactapi causac gentecunamanta anchurishpa, shuctac llactamanta huarmicunamanta anchurina canguichic— nirca.

ESDRAS 6:21

Chai Pascua punzhapica prezu apashcamanta cutimushca israelcunaca Diosta mashcangapac chai llactapi causac mapa gentecunamanta anchurishca gentecunahuanmi tandanacushpa micurca.

ESDRAS 9:1

Tucui chaicuna tucushca quipami israelcunata mandaccuna ñucapacman shamushpaca: «Israelcunapish, curacunapish, levitacunapish cai llactapi causac cananeocunamanta, heteocunamanta, ferezeocunamanta, jebuseocunamanta, amonitacunamanta, moabitacunamanta, Egipto runacunamanta, amorreocunamanta mana chicanyarishpami paicuna shinallatac millanayai juchacunata ruhuashpa causacuncuna.

ESDRAS 9:15

Israelcunata Mandac Dioslla, canca imatapish cashcata ruhuac Diosmi cangui. Chaimantami cunan punzhacaman ashalla saquirishcacunaca causaihuan canchic. Riqui, cambac ñaupapica juchayucmi canchic. Cambac ñaupapi canatapish mana pudinchicchu» nishpami mañarcani.

ESDRAS 9:2

Chashna cashpami paicunapish, paicunapac churicunapish, caipi causaccunapac ushicunahuan cazarashca. Chashnami jucha illac gentecunaca shuctac llacta gentecunahuan cazarashpa chapurishcacuna. Israel llactata mandaccunarac, quipa mandaccunaracmi millaita ruhuai callarishca» nishpa huillarca.

NEHEMÍAS 1:6

Cunanca, canta servic israelcunamanta canta servic ñuca cambac ñaupapi tutapish, punzhapish mañashcata cambac ringrihuan uyaiyari. Cambac ñahuihuanpish ricuiyari. Canta servic ñucanchic israelcuna juchata ruhuashpa, canta piñachishcatami huillani. Ari, ñucapish, ñuca taitapac huasi ucupurapish juchata ruhuashcanchicmi.

NEHEMÍAS 10:28

Maijan gentecuna, curacuna, levitacuna, Diospac huasi pungupi cuidaccuna, cantaccuna, Diospac huasipi serviccuna shinallatac Dios mandashcata pactachingapac shuc llactapi causac gentecunamanta chicanyarishcacunapish, paicunapac huarmicunandi, ña yuyaita charic churicunandi, ushicunandimi tandanacurca.

NEHEMÍAS 10:29

Dios mandashcata pactachingapac ari nishpami paicunapac huauquicunahuan, mandaccunahuan tandanacurca. Ñucanchicta Mandac Dios paita servic Moisesman imata ruhuachun nishpa mandashcacunata pactachichun cushca shimicunata cazushpa pactachingapacmi tandanacurca.

NEHEMÍAS 13:3

Chai mandashcata uyashpami, shuc llactamanta shamushpa Israelpi causaccunataca chicanyachirca.

NEHEMÍAS 13:30

Shuc llactamanta shamushcacunata llucchishpa cachashpami curacunatapish, levitacunatapish paicunata tandachishpa, paicuna imata ruhuacushcallapitac churarcani.

SALMOS 144:11

Shuctac llacta gentecunapac maquimanta quishpichiyari. Paicunaca llullallatami rimancuna. Alli maquita alzashpami llullancuna.

SALMOS 144:7

Jahua pachamanta cambac maquita chutashpa ñucata quishpichiyari. Ñucaca jatun yacupimi aguaricuni. Shuctac llacta gentecunapac maquimanta quishpichiyari.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

ISAÍAS 2:6

Mandac Dios, can acllashca Jacobopac huasi ucupuracunataca saquishcanguitacmi. Paicunaca inti llucshina ladopi causaccuna ima shina ruhuashcatami catincuna. Filisteo brujocuna ruhuashca shinallatacmi ruhuacun. Shuctac llacta runacunahuanmi imata ruhuashpa pactachingapac ari ninacun.

JEREMÍAS 14:20

Mandac Dioslla, ñucanchicpish, ñucanchic taitacunapish canta mana cazushpa canta piñachishcata, mana allita ruhuashcata yuyarishpa llaquirinchicmi.

JEREMÍAS 3:13

Mandac Dios ñucatami mana cazushcangui. Chai mana allita ruhuashcata yuyarishpa llaquiriyari. Jatun yura ucucunapimi mana ricsishcacunahuan huainayarcangui. Ñuca cayacpica, manatac uyarcanguichu. Chaitaca Mandac Dios ñucami nini.

DANIEL 9:20

Ñucaca, ñucata Mandac Diospac ñaupapi ñuca juchacunata, israelcunapac juchacunata huillashpa, Diospaclla urcumanta mañacurcanimi.

OSEAS 5:7

Paicunaca Mandac Diosta mana cazushpami, shuccunapac huahuacunata charin. Cunanca paicunapish, paicunapac allpapish shuc quillapimi tucuringa.