NEHEMÍAS 9:11 - Dios Rimashcata Quillcashcami

¹¹ Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

NEHEMÍAS 9:11 ပူးပေါင်းရင်းမြစ်များ

SALMOS 66:6

Mama cuchatapish chaquichicpimi, chaquishcata pasarcacuna. ¡Chaimantami paihuan cushicunchic!

SALMOS 78:13

Mama cucha chaupitami paicunataca pasachirca. Yacuca ishcai ladoman chaupirishpami tandarishpa saquirirca.

ÉXODO 14:14

Cancunaca chaillapi caichic. Mandac Diosmi cancunamanta macanacunga— nirca.

ÉXODO 14:25

Paicunapac carretacunamanta ruedacuna llucchishpa caticpimi, mana ri pudirca. Chaimantami Egipto runacunaca: —¡Israelpac ñaupamanta callpashunchic, Mandac Diosmari paicunamanta ñucanchic-huan piñarishpa, macanacui callarin!— nirca.

ÉXODO 14:29

Ashtahuanpish israelcunaca chaquishca allpa shinatami, cucha chaupita pasarca. Yacuca allimanpish, lluquimanpish pirca shinami carca.

JEREMÍAS 32:20

Canmi Egiptopica pi mana ruhuaipaccunata, mancharinacunata ruhuarcangui. Cunancamanmi Israel llactapipish, tucui runacunapurapipish chaicunataca ruhuacunguirac. Cunan punzhapi ricushca shinallatacmi, tucuipac alli nishca cangui.

1 CORINTIOS 10:1

Cuyashca criccuna, ñucanchic ñaupa taitacuna ima tucushcata yachachunmi munani. Paicunaca puyu llandupipishmi carca. Puca Cuchatami pasarcacuna.

HEBREOS 11:29

Crishcamantami israelcuna chaquishca allpata shina, Puca Cuchata pasarcacuna. Egipto gentecunaca chai shinallatac pasashun nishpapish, tucuimi yacupi aguarircacuna.

APOCALIPSIS 18:21

Chai quipaca mai poderta charic shuc ángel shamushpami shuc rumita japirca. Chai rumica cutana jatun rumi shinami carca. Chaita japishpa mama cucha yacuman shitashpaca: «Chai shinallatacmi Babilonia jatun pueblolla, chingarishpa jaicapi mana ricuringui.