NEHEMÍAS 8:9 - Dios Rimashcata Quillcashcami

⁹ Chaita uyashpami tucui gentecuna huacarca. Shina huacacpimi mandac Nehemiaspish, quillcac Esdraspish, rezashcata entendichic levitacunapish rimashpaca: «¡Cunanca, ñucanchicta Mandac Diosman chicanyachishca punzhami! Ama llaquirichicchu, ama huacaichicchu» nirca.

NEHEMÍAS 8:9 ပူးပေါင်းရင်းမြစ်များ

2 REYES 22:11

Chai libropi cac mandashpa quillcashca shimicunata rezashcata uyashpami, jatun mandacca paipac churanata lliquirca.

2 REYES 22:19

Cai llactatapish, cai llactapi causaccunatapish llaquichisha nicushcata Mandac Dios ñucapac ñaupapi uyashpami, yallita cambac shungupi nanarishpa, llaquilla tucushcangui. Shina llaquirishpami, cambac churanatapish lliquirishpa, Mandac Dios ñuca ñaupapi huacarcangui. Can chashna llaquirishcataca Mandac Dios ñucaca uyarcani.

2 CRÓNICAS 15:3

Israelcunaca unaitami causac Dios illac, yachachic curacuna illac, Dios mandashcacunapish illac causarcacuna.

2 CRÓNICAS 30:22

Ezequiasca Mandac Diosta servingapac tucui alli yuyaita charic levitacunatami paicunapac shungupi chayacta rimarca. Jatun fiesta punzhapi micungapac huañuchishca aichataca canchis punzhacamanmi micurcacuna. Dios-huan alli tucungapac animalcunata cushpa huañuchishca shinallatac paicunapac ñaupa taitacunata Mandac Diosta pagui nishpami micurcacuna.

2 CRÓNICAS 34:19

Chai mandashpa quillcashcata uyashpami, jatun mandacca paipac churanata lliquirirca.

2 CRÓNICAS 34:21

—Tarishca libropi ñucamantapish, Israel llactapi, Judá llactapi saquirishca gentecunamantapish ima nicushcata yachangapac Mandac Diosta tapugrichic. Ñucanchic ñaupa taitacuna cai libropi quillcashca shina ruhuashpa, Mandac Dios rimashcacunata mana cazushcamantami Mandac Diosca ñucanchic-huan yallita piñarishpa, ñucanchicta llaquichigricun— nirca.

2 CRÓNICAS 35:3

Tucui israelcunata yachachic Diospaclla chicanyachishca levitacunataca: «Ama cutin huanducungapac Diospac Arcataca israelcunata jatun mandac Davidpac churi Salomón shayachishca huasipi churaichic. Cunanca, cancunata Mandac Diostapish, pai acllashca israelcunatapish servishpa causaichic.

ESDRAS 2:63

Chaimantami Judá llactata mandacca Urimhuan, Tumimhuan shuc cura Diosman tapushpa, imata huillangacaman Diosman cushca micunata ama micuchun mandarca.

ESDRAS 7:11

Esdrasca Mandac Dios mandashcata, israelcunaman mandashcacunata, pactachichun cushca shimicunata alli yachac quillcacmi carca. Jatun mandac Artajerjes Esdras curaman quillcashpaca:

NEHEMÍAS 10:1

Paicunapac shuticunata quillcashpa firmaccunaca: Hacaliaspac churi mandac Nehemías, Sedequías,

NEHEMÍAS 12:26

Paicunaca Jesuapac churi Joiacim, mandac Nehemías, quillcac Esdras causacui punzhacunapimi cuidaccuna carca. Joiacimca Josadacpac nietomi carca.

NEHEMÍAS 7:65

Chaimantami Judá llactata mandacca Urimhuan, Tumimhuan shuc cura Diosman tapushpa, yachangacaman Diosman cushca micunacunataca ama micuchun nishpa mandarca.

NEHEMÍAS 7:70

Tucui familiacunata mandacpuramanta maijancunaca Diospacta ruhuachunmi ofrendata curca. Chashna cucpimi, mandacca imatapish allichina ucupi allichichun huaranga dracma curita, pichca chunga jatun tazacunata, pichca patsac quimsa chunga curacuna churarinatapish curca.

NEHEMÍAS 8:2

Shina nicpimi, Esdrasca chai canchis quilla punta punzhapi tandanacushcapac ñaupaman chai mandashcata apamurca. Chaipica caricunapish, huarmicunapish shinallatac tucui entendipaclla gentecunami carca.

ECLESIASTÉS 3:4

Huacangapacpish, asingapacpish punzha tiyanmi. Duelo cangapacpish, bailangapacpish punzha tiyanmi.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

LEVÍTICO 23:24

«Israelcunataca: “Canchis quilla callari samana punta punzhapica ñucapaclla chicanyachishca tandanacuita ruhuanguichic. Chai punzhapica trompetapi tocashpa, ñucata yuyaringuichic.

MALAQUÍAS 2:13

Cancunaca mana chaillatachu ruhuarcanguichic. Yallita huacashca huiquihuanmi Mandac Diospac altarta taparcanguichic. Mandac Dios ofrendata cancunapac maquimanta mana chasquishcamantami yallita caparishpa huacarcanguichic.

ROMANOS 3:20

Mandashcacunata pactachishcallamantaca pipish Diospac ñaupapi mana chasquishcachu canga. Ashtahuanpish mandashcacunaca juchayuc cashcata ricuchingapacmi can.

ROMANOS 7:9

Ñaupaca ima mandashcacunata mana yachashpami causarcani. Mandashcacunata ñuca yachacpimi, juchaca ñucapi ricurirca. Shinami huañurcani.

DEUTERONOMIO 12:12

Mandac Diospac ñaupapi cancunapish, churicunapish, ushicunapish, servic caricunapish, servic huarmicunapish, cancunapac llactapi causac levitacunapish cushicunguichic. Levitacunaca cancunapurapica ima allpata mana charinchu.

DEUTERONOMIO 12:7

Chaipimi Mandac Diospac ñaupapi cancunapish, familiacunapish cushicushpa, micuna canguichic. Cancunapac maquihuan ruhuashcata cancunata Mandac Dios bendiciashcamantami chashna cushicuna canguichic.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

DEUTERONOMIO 26:14

Chaicunataca huañuimanta llaquilla cashpapish mana micushcanchicchu, mapa cashpapish imata mana ruhuashcanchicchu, huañushcacunamanpish mana carashcanchicchu. Ñucanchicta Mandac Dios nishcata ruhuashpami tucui pai mandashcacunata pactachishcanchic.

SANTIAGO 4:9

¡Chaimanta llaquirichic, nanarichic shinallatac huacaichic. Asinapac randica huacaichic! ¡Cushicunapac randica llaquirichic!