NEHEMÍAS 8:5 - Dios Rimashcata Quillcashcami

⁵ Esdrasca tucuimanta ashtahuan jahuapi shayarishpami, chai quillcataca tucui mashna ricucucpi pascarca. Chai quillcashcata pascacpica, tucui gentecunami shayarirca.

NEHEMÍAS 8:5 ပူးပေါင်းရင်းမြစ်များ

1 REYES 8:12

Chashna cacpimi, Salomonca: «Mandac Dioslla, canca pura tutapimi causasha nircangui.

1 REYES 8:14

Jatun mandac Salomón cutimushpami, tucui tandanacushca israelcunata bendiciarca. Tandanacushca israelcunaca tucuimi shayacurcacuna.

NEHEMÍAS 8:3

Chashna apamushpami, yacuman llucshina pungu chimba lado plazapi tandanacushcapac ñaupapi shayarishpa tutamantamanta chaupi punzhacaman, caricunapac, huarmicunapac, tucui entendipaclla gentecunapac ñaupapi rezarca. Chai rezashcataca tucui gentecunami casilla shayarishpa alli uyarca.

NEHEMÍAS 8:4

Quillcac Esdrasca shayaringapac caspihuan ruhuashca jahuapimi chai quillcataca rezacurca. Paipac alli ladopica Matatías, Sema, Anías, Urías, Hilcías, shinallatac Maasiasmi shayacurca. Lluqui ladopica Pedaías, Misael, Malquías, Hasum, Hasbadana, Zacarías, shinallatac Mesulammi shayacurca.

JUECES 3:20

Rupai punzhacunapi llandurina ucupi mandac Eglón tiyacucpimi Aodca: —Can jatun mandacmanca Diosmanta huillanatami charini— nirca. Chashna nicpimi, Eglonca pai tiyacushcamanta jatarirca.