NEHEMÍAS 8:3 - Dios Rimashcata Quillcashcami

³ Chashna apamushpami, yacuman llucshina pungu chimba lado plazapi tandanacushcapac ñaupapi shayarishpa tutamantamanta chaupi punzhacaman, caricunapac, huarmicunapac, tucui entendipaclla gentecunapac ñaupapi rezarca. Chai rezashcataca tucui gentecunami casilla shayarishpa alli uyarca.

NEHEMÍAS 8:3 ပူးပေါင်းရင်းမြစ်များ

NEHEMÍAS 10:29

Dios mandashcata pactachingapac ari nishpami paicunapac huauquicunahuan, mandaccunahuan tandanacurca. Ñucanchicta Mandac Dios paita servic Moisesman imata ruhuachun nishpa mandashcacunata pactachichun cushca shimicunata cazushpa pactachingapacmi tandanacurca.

NEHEMÍAS 13:1

Chai punzhapica Moisés quillcashcatami tucui gentecunapac ñaupapi rezarca. Chai quillcapica moabitacunapish, amonitacunapish Dios acllashcacunahuanca mana tandanacungachu nishpa quillcashcami taririrca.

NEHEMÍAS 8:1

Shina cacpimi tucui gentecunaca yacuman llucshina pungu chimba lado plazapi shuc yuyailla tandanacurca. Chaipimi quillcac Esdrastaca Mandac Dios israelcunaman cuchun Moisesman cushca quillcashcata apamui nircacuna.

NEHEMÍAS 8:18

Esdrasca Dios mandashcataca callari punzhamanta canchis punzhacamanmi punzhanta rezacurca. Chai jatun fiestata canchis punzhacaman ruhuashpaca pusac punzhapica ima shina ruhuachun mandashca shinallatacmi jatun tandanacuita ruhuarcacuna.

NEHEMÍAS 8:4

Quillcac Esdrasca shayaringapac caspihuan ruhuashca jahuapimi chai quillcataca rezacurca. Paipac alli ladopica Matatías, Sema, Anías, Urías, Hilcías, shinallatac Maasiasmi shayacurca. Lluqui ladopica Pedaías, Misael, Malquías, Hasum, Hasbadana, Zacarías, shinallatac Mesulammi shayacurca.

NEHEMÍAS 8:5

Esdrasca tucuimanta ashtahuan jahuapi shayarishpami, chai quillcataca tucui mashna ricucucpi pascarca. Chai quillcashcata pascacpica, tucui gentecunami shayarirca.

MARCOS 12:37

Davidllatac paitaca: “Ñucata Mandac” nicpica, ¿ima shinatac Cristoca Davidpac aillupuralla cangayari?» nirca. Chai yachachishcataca achca gentecunami cushilla sumacta uyarca.

SAN LUCAS 19:48

Ashtahuanpish Jesús huillacucta tucui gentecuna alli uyacushcamantami, paicunaca imata mana ruhuai pudirca.

SAN LUCAS 8:18

Chaimanta cai uyashcata alli yuyarichic. Maijanpish alli yuyaita chariccunamanca ashtahuanmi cushca canga. Mana charicmantaca, pai charinimi nishcatapish quichushcami canga— nirca.

HECHOS 13:15

Chaipi cacpimi, mandashcacunatapish, Dios ima nishcata huillaccuna quillcachishcatapish uyashca quipaca, chai tandanacuna huasipi mandaccunaca: —Huauquicuna, gentecunata cunashpa rimasha nishpaca rimaichiclla— nichun cacharcacuna.

HECHOS 13:27

Chaica, Jerusalenpi causaccunapish, paicunata mandaccunapish, Jesús pi cashcataca mana yacharcachu. Dios ima nishcata huillaccuna quillcashcata tucui samana punzhacunapi rezashcata uyashpapish, mana entendircachu. Jesusta huañuchishpaca, paicunallatacmi chai huillaccuna huillashcata pactachircacuna.

HECHOS 15:21

Chaica, ñaupa punzhacunamanta pachami mai pueblocunapipish, tandanacuna huasicunapipish, samana punzhacunapi Moisés mandashcacunata rezashpa, uyachincuna— nirca.

HECHOS 16:14

Chaipica, Tiatira pueblomanta Lidia huarmimi ñucanchic huillashcata uyacushca carca. Chai huarmica morado sumac lienzota catucmi carca, shinallatac Diosta yuyaricmi carca. Chai huarmimanmi Apunchic Jesusca Pablo huillashcata tucui shunguhuan uyachun, yuyaita curca.

HECHOS 17:11

Chai pueblopi causaccunaca Tesalónica pueblopi causaccunata ashtahuan yalli, uyanata munaccunami carca. Pablo huillashcata allita uyashpaca, ashtahuan yachangapacmi, Dios quillcachishcata punzhanta alli ricuc carcacuna.

HECHOS 20:11

Pablo cutin jahuaman huichicushpaca, tandata chaupishpami caishuc criccunahuan micurca. Chai quipapish pacaringacamanmi parlacurca.

HECHOS 20:7

Semana callari punzhapica, tucui criccunami Jesús huañushcata yuyarishpa, tandata micungapac tandanacurcanchic. Pabloca cayandi ña rina cashcamantami, chaupi tutacaman yachachicurca.

HECHOS 28:23

Chashna nishpami, shuc punzha Pablo ima nishcata uyangapac yuyarinacurca. Chai punzhapimi pai causacuc huasiman achca gentecuna Pablo yachachishcata uyangapac, tandanacumurca. Pabloca Jesusta crichunmi, Dios mandacucmantapish, Moisés mandashcacunamantapish, Dios ima nishcata huillashcamantapish tutamantamanta chishicaman yachachirca.

DEUTERONOMIO 31:9

Moisesca cai mandashcacunata quillcashpami Mandac Dios-huan ari nishca quillcata huacaichina Arcata apac Levipac huahua huahuacunamanpish, israelcunata pushac yuyaccunamanpish curca.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

JOSUÉ 8:35

Josueca Moisés mandashcataca shuc rimaillatapish mana saquishpami tucui israelcunapac ñaupapi rezarca. Chashnami huarmicunapac, huahuacunapac, caru llactamanta shamushcacunapac ñaupapi rezarca.

APOCALIPSIS 2:29

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.

APOCALIPSIS 3:22

Maijanpish ringrita charicca, Diospac Espíritu tandanacushca criccunaman ima nicushcata uyachun” ninmi.