NEHEMÍAS 8:12 - Dios Rimashcata Quillcashcami

¹² Paicunaman yachachishca shimicunata entendishpami, tucui gentecuna micushpa, ubiashpa, shuccunamanpish carashpa, yallita cushicungapac rircacuna.

NEHEMÍAS 8:12 ပူးပေါင်းရင်းမြစ်များ

1 CRÓNICAS 29:22

Chai punzhapica Mandac Diospac ñaupapi micushpa, ubiashpami yallita cushicurcacuna. Chai quipami Davidpac churi Salomontaca israelcunata jatun mandac cachun cutin aceitehuan cahuircacuna. Sadoctaca Mandac Diospac cura cachunmi aceitehuan cahuircacuna.

NEHEMÍAS 8:10

Chai quipa paicunataca: «Cai punzhaca ñucanchic jatun Diospac chicanyachishca punzhami. Chaimanta alli micunacunata micuichic, mishqui vinotapish ubiaichic. Ima micunata mana chariccunaman micunata cachaichic. Mana llaquirinachu canguichic. Ashtahuanpish Mandac Diosmi cushichishpa sinchiyachin» nirca.

NEHEMÍAS 8:11

Levitacunapish tucui gentecunatami: «Cunanca, Mandac Dios chicanyachishca punzhami. Ama llaquirichicchu, upalla caichic» nircacuna.

NEHEMÍAS 8:13

Chai cayandi punzhami tucui gentecunapac familiacunata mandaccunapish, curacunapish, levitacunapish chai mandashca shimicunata yachacungapac quillcac Esdras-huan tandanacurca.

ESTER 9:22

Chai punzhacunapimi Judá gentecunaca paicunata piñaccunamanta quishpirishpa samarirca. Chai quillapimi llaquilla caccunaca cushilla tucurca. Huacaihuan caccunaca cushicushpa fiestata ruhuarca. Chai punzhata yuyarishpa jatun micuita ruhuashpa cushicuchun, ladollapi causaccunaman, imata mana chariccunaman ima charishcacunata caranacuchunmi mandashpa cacharca.

JOB 23:12

Paipac shimihuan mandashcamantaca mana anchurircanichu. Paipac rimashca shimicunataca micunata yallimi huacaichishpa causarcani.

SALMOS 119:111

Ima shina causanata can yachachishcaca ñucata cushichicmi. Chaimantami huiñaipac ñuca japina can.

SALMOS 119:127

Chaimantami can mandashcacunataca curitapish, ashtahuan alli curitapish yalli cuyani.

SALMOS 119:130

Can yachachishpa rimashcaca achicyachinmi. Imata mana yachaccunamanpish alli yuyaita cunmi.

SALMOS 119:14

Ima shina causanata can yachachishcata yachacushpaca tucui charishcacunamanta yallimi cushicurcani.

SALMOS 119:16

Quillcashpa mandashcacunahuanmi cushicuni. Cambac rimashcacunataca manatac cungarishachu.

SALMOS 119:171

Can quillcashpa mandashcacunata yachachicpica, cantaca mana shaicushpami alabasha.

SALMOS 119:174

Mandac Dioslla, can quishpichichunmi shuyacuni. Can mandashcacunahuanmi cushicuni.

SALMOS 119:72

Ñucamanca can mandashcacunaca huaranga huaranga curitapish, cullquitapish yalli allimi.

SALMOS 119:97

¡Can mandashcacunataca yallitami cuyani! Punzhantami chai yuyailla cani.

JEREMÍAS 15:16

Tucuita Mandac Dioslla, can rimashcata uyashpaca tucui micuc shinami chasquircani. Can rimashcaca ñuca shunguta yallita cushichicmi carca. Ñucaca cambac shutipi cayashcami cani.

SAN LUCAS 24:32

Chaimantami paicunapura rimanacushpaca: —¿Manachu Dios quillcachishcata ñanpi pai huillacucpica, ñucanchic shungu rupacyarca?— ninacurca.

ROMANOS 7:18

Ñucaca juchayuc runa cashcamantaca, ñucapi ima alli ruhuana yuyai mana tiyashcatami yachani. Ima allita ruhuasha nishpapish, mana ruhuai pudinichu.

APOCALIPSIS 11:10

Dios ima nishcata huillac chai ishcaicunaca yallitami cai pachapi causaccunataca llaquichishca carca. Chaimantami chai ishcai huañushcata ricushpaca, yallita cushicushpa, caishuc chaishuc imatapish caranacunga.