NEHEMÍAS 7:67 - Dios Rimashcata Quillcashcami

⁶⁷ Paicunata servic caricunatapish, huarmicunatapish mana yupashcami carca. Chai serviccunaca canchis huaranga quimsa patsac quimsa chunga canchismi carca. Paicunapurapica cantac caricuna, huarmicunaca ishcai patsac chuscu chunga pichcami carca.

NEHEMÍAS 7:67 ပူးပေါင်းရင်းမြစ်များ

2 SAMUEL 19:35

Ñucaca pusac chunga huatayucmi cani. Ima sumac micuicunapish, ubianacunapish ñucamanca imalaya cashca mana yacharinchu. Shinallatac caica mishquimi, jayacmi ninataca mana pudinichu. ¿Caricuna, huarmicuna cantashcatapish uyai pudishachu? Canta servic ñucaca maitatac jatun mandactaca llaquichishpa causagrishayari.

ESDRAS 2:65

Paicunata servic caricunata, servic huarmicunata mana yupashcami chashna carca. Chai serviccunaca canchis huaranga quimsa patsac quimsa chunga canchismi carca. Paicunaca ishcai patsac cantac caricunata, cantac huarmicunatami charirca.

NEHEMÍAS 7:66

Tucui tandanacushcaca chuscu chunga ishcai huaranga quimsa patsac sucta chungami carca.

NEHEMÍAS 7:68

Paicunapac caballocunaca canchis patsac quimsa chunga suctami carca. Mulacunaca ishcai patsac chuscu chunga pichcami carca.

JEREMÍAS 27:7

Tucui llactacunami paita, paipac churita, paipac nietota servishpa causanga. Babilonia llactaman yalli llaqui huatacuna chayamungacamanmi chashna causanga. Quipaca Babiloniapi causaccunapish shuctac llactacunata jatun mandaccunatami servishpa causanga.

SAN LUCAS 12:45

Ashtahuanpish chai mayordomo paipac shungupi: “Ñuca amoca mana utca shamungachu” yuyashpa, cari serviccunatapish, huarmi serviccunatapish macashpa, pailla micushpa, ubiashpa, machashpami puricunman.