NEHEMÍAS 6:11 - Dios Rimashcata Quillcashcami

¹¹ Shina nicpimi ñucaca: —¿Ñuca shina runacunaca miticungapac rinchu? ¿Ama huañuchichun nishpa, Diospac huasipi huichcaringapac rinchu? ¡Ñucaca mana miticungapac rishachu!— nircani.

NEHEMÍAS 6:11 ပူးပေါင်းရင်းမြစ်များ

NEHEMÍAS 6:12

Shinallatac paica mana Dios cachashca, ashtahuanpish Sanbalatpish, Tobiaspish cullquita cushpa Dios huillashcata huillac shina tucushpa, ñucata llaquichichun cachashcatami yacharcani.

NEHEMÍAS 6:3

Chaimantami ñucapish huillaccunata cachashpaca: «Ñucaca shuc jatun trabajotami ruhuacuni. Ñuca caita saquishpa cancunapacman ricpica, chai ruhuacushcaca chaipimi saquiringa. Chaimanta mana ri pudinichu» nichun cacharcani.

NEHEMÍAS 6:9

Tucui paicunami ñucanchicta manchachingapacca: «Chai jatun pircata ruhuacushpapish paicunapac maqui shaicucpica, mana tucuchingacunachu» nircacuna. Chaimantami ñucaca: «¡Dioslla, ñuca maquita sinchiyachiyari!» nishpa mañarcani.

SALMOS 112:6

Chaimantami paica manatac urmanga. Cashcata ruhuac runataca huiñaitami yuyaringacuna.

SALMOS 112:8

Paipac shungupica imatapish mana manchanchu. Paita piñaccuna llaqui tucushcatapish ricungami.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

ECLESIASTÉS 10:1

Huañushca chuspicunaca ashnanmi mishquilla ashnacuc jambitapish ashnachinmi. Chashnami yuyaisapa, alli nishca runa ashata pandarishpaca, yallita mana alli ricurin.

ISAÍAS 10:18

Paicunapac sumaimana sachacunapish, alli pucuc pambacunapish tucuimi chingaringa. Chashnami mana jambiripac ungüihuan huañucuc runa shinami tucuringa.

NÚMEROS 3:10

Curacuna ruhuana cashcataca Aaronman, paipac churicunaman mingangui. Chaiman pipish yaicushpaca huañungami» nirca.

HECHOS 20:24

Huañuna cacpipish, ñucaca mana llaquirinichu, ashtahuancarin Dios cuyac cashcata Apunchic Jesús huillachun nishcatami huañuna punzhacaman cushicushpa pactachina cani.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

HECHOS 8:1

Estebanta huañuchicta Saulo ricushpaca: “Allitami ruhuanguichic” nishpami cushicurca. Chai punzhacunapica Jerusalén pueblo criccunataca yallitami llaquichi callarirca. Chaimantami criccunaca Judea llactata, Samaria llactata miticushpa rircacuna. Ashtahuanpish apostolcunallami mana maiman rishpa saquirirca.

FILIPENSES 2:17

Cancuna crishpaca, Diosman cushpa rupachic shinami cushcanguichic. Chaita pactachingapacca, ñuca quiquin causaita chingachina cacpipish chingachishallami. Chashna yuyashpami, tucui cancunahuan cushicuni.

FILIPENSES 2:30

Paica quiquin causaita mana llaquishpa Cristopacta ruhuacushpami, huañunalla tucurca. Chashna ruhuashpaca, cancuna carupi cashcamanta mana ruhuanata pudishcatami, paica ruhuarca.

HEBREOS 11:27

Crishcamantami Moisesca jatun mandac Faraón piñarinatapish mana manchashpa, Egipto llactamanta llucshirca. Pipish mana ricushca Diosta ricuc shinami llucshirca.

1 SAMUEL 19:5

Paica huañunatapish mana manchashpami, chai filisteo runata huañuchirca. Chashna ruhuacpimi Mandac Diosca tucui israelcunata llaquimanta llucchirca. Canca chaita ricushpami cushicurcangui. ¿Ima nishpatac manapish juchayuc Davidtaca huañuchishpa yahuarta jichashpa juchalligringui?— nirca.