NEHEMÍAS 6:10 - Dios Rimashcata Quillcashcami

¹⁰ Chai quipami ñucaca Delaiapac churi, Mehetabelpac nieto Semaiaspac huasiman rircani. Semaiasca paipac huasipimi huichcarishpa tiyacurca. Chaipimi paica: —Canta huañuchingapac shamungacunami. Chaimanta Mandac Diospac huasipi tandarishpa, pungucunata huichcarishunchic, ¡Ari, cunan tutallatacmi canta huañuchingapac shamungacuna!— nirca.

NEHEMÍAS 6:10 ပူးပေါင်းရင်းမြစ်များ

GÉNESIS 36:39

Acborpac churi Baal-hanán huañucpica, Hadarmi paipac randi mandacurca. Pai mandana llactaca Paumi carca. Paipac huarmica Matredpac ushi Mehetabelmi carca. Matred huarmica Mezaabpac ushimi carca.

1 REYES 6:5

Shinallatac chai huasi jatun pircapi quimichishpami uchilla ucucunatapish ruhuarca. Diospaclla chicanyachishca ucu pata muyundipipish chashnallatac ucucunatami ruhuarca.

2 REYES 11:3

Sucta huatatami paitaca huiñachic mamandi Mandac Diospac huasipi pacalla huiñachirca. Chai huatacunami Ataliaca chai llactata mandacurca.

2 REYES 9:8

Acabpac huasi ucupuracunaca tucuimi huañunga. Chashnami Israelpi causac Acabpac huasi ucupurata servishpa causaccunatapish, mana servishpa causaccunatapish tucui tucuchisha.

2 CRÓNICAS 28:24

Chashna ruhuashca jahuami Acazca Diospac huasipi imalla tiyashcacunata tandachishpa paquirca. Mandac Diospac huasi pungutapish huichcarca. Jerusalén tucui muyundipipish altarcunatami ruhuarca.

2 CRÓNICAS 29:3

Ezequiasca pai mandai callarishca huata callari quillapimi Mandac Diospac huasi pungu huichcashcata pascarca shinallatac allichirca.

2 CRÓNICAS 29:7

Diospac huasi corredor pungucunata huichcashpami, lamparacunatapish huañuchirca. Inciensotapish mana rupachircachu. Diospac huasipi israelcunata Mandac Diosman animalcunata cushpa rupachinatapish saquishcacunami.

ESDRAS 10:31

Harimpac huahua huahuacunamantaca Eliezer, Isías, Malquías, Semaías, Simeón,

ESDRAS 8:16

Chaimantami pushac Eliezerta, Arielta, Semaiasta, Elnatanta, Jaribta, Elnatanta, Natanta Zacariasta, Mesulamta, shinallatac yachachic Joiaribta, Elnatanta tandachircani.

NEHEMÍAS 6:12

Shinallatac paica mana Dios cachashca, ashtahuanpish Sanbalatpish, Tobiaspish cullquita cushpa Dios huillashcata huillac shina tucushpa, ñucata llaquichichun cachashcatami yacharcani.

SALMOS 12:2

Caishuc chaishucmi shuctac runacunahuan llullanacuncuna. Imatapish nic tucuclla, mishqui shimi jayac shungucunami.

SALMOS 37:12

Diosta mana manchac runaca cashcata ruhuac runataca quirucuna canirishpami piñan.

PROVERBIOS 11:9

Mishqui shimi jayac shungu runaca pai rimashcahuanmi, shuctac runata llaquichin. Ashtahuanpish cashcata ruhuaccunaca allita yachac cashpami quishpirincuna.

JEREMÍAS 36:5

Chai quipami Jeremiasca Baructaca: «Ñucaca Mandac Diospac huasiman mana yaicui pudinichu.

EZEQUIEL 3:24

Chai quipaca Diospac Espíritu ñucapacman shamushpa sinchiyachicpimi ñucataca: «Cambac huasiman yaicushpa, huichcari.

MALAQUÍAS 1:10

Ñuca altar jahuapi ama yanga rupachic shamuchunca, cancunapuramanta, ¿pitac ñuca huasi punguta huichcac shamunguichic? Ñucaca cancunahuanca mana cushillachu cani. Cancunapac ofrendatapish mana chashquishachu. Chaitaca Mandac Dios ñucami nini.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

SAN JUAN 3:20

Tucui mana allita ruhuaccunaca, paicunapac mana allita ruhuashcacuna ama achicman ricurichunmi, Achicyachictaca piñancuna.

HECHOS 21:30

Tucui Jerusalenpi causaccunami Diosta mañana huasiman bullashpa yaicurca. Chashnami Pablota japishpa pambata aisashpa, ucumanta llucchishpa pungucunata huichcarca.