NEHEMÍAS 5:15 - Dios Rimashcata Quillcashcami

¹⁵ Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

NEHEMÍAS 5:15 ပူးပေါင်းရင်းမြစ်များ

GÉNESIS 20:11

Shina nicpimi Abrahamca: —Caipica Diosta manchaccunaca mana tiyanchu. Shina cashpaca, ñuca huarmita quichungapac ñucata huañuchingami yuyarcanimi.

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

NEHEMÍAS 5:16

Shinallatac ñucapish, Jerusalén muyundi jatun pircata allichircanimi. Ima allpata mana randircanichu. Ñucata tucui serviccunapish ñucahuanmi chai pircata ruhuarca.

NEHEMÍAS 5:9

ñucaca: —Cancunaca mana allitachu ruhuacunguichic. Ashtahuanpish, ¿manachu shuctac llactapi causac ñucanchicta piñaccuna ama burlachun, Diosta manchashpa causana canguichic?

JOB 31:23

Ñucaca Dios llaquichinatami mancharcani. ¡Jatun Diospac ñaupapica, maitatac ricuri pudiman carcaniyari!

SALMOS 112:1

Mandac Diosta manchaccunaca cushicunmi. Pai mandashcacunapimi yallita cushicun.

SALMOS 147:11

Mandac Diosca paita manchaccunahuan shinallatac pai llaquichun shuyaccunahuanmi cushicun.

PROVERBIOS 16:6

Juchayuctaca llaquishpa, mana llullashpami perdonanga. Runaca Mandac Diosta manchashpami, mana allimantaca anchurin.

PROVERBIOS 29:12

Shuc mandac llullashcata crishpa chasquicpica, tucui paita serviccunami Diosta mana manchaccuna tucunga.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

JEREMÍAS 32:9

Chaimantami Anatotpi cac, ñuca tiopac churi Hanameelpac allpataca patsac pusac chunga canchis gramos cullquita pezashpa cushpa randircani.

LAMENTACIONES 5:8

Cunanca serviccunacamanmi ñucanchictaca mandashpa llaquichin. Paicunapac maquimanta cacharichicca pi mana tiyanchu.

SAN MATEO 5:47

Shinallatac cancunapuralla alabadunacushpaca, ima allita mana ruhuanguichicchu. Diosta mana ricsiccunapish chashnaca ruhuancunami.

2 CORINTIOS 11:9

Cancunahuan cashpaca, ima illac cashpapish imata mana mañarcanichu. Chai imalla illashcataca Macedonia llactamanta shamuc criccunami curcacuna. Cancunataca imata mañashpa mana piñachircanichu, shinallatacmi mana piñachishpa catinata munani.

2 CORINTIOS 12:13

Ñucaca cancunamanta imata mañashpa mana quichushcanichu. ¿Chaimantachu “shuctac tandanacushca criccunamanta yangalla canchic” nishpa yuyacunguichic? ¡Chashna mana mañashpa cancunata piñachishca cacpica, perdonaichic!

1 SAMUEL 8:15

Cancunapac huagracunatapish, uvascunatapish chungamanta shucta japishpami, pai churashca mandaccunaman, paita serviccunaman cunga.